Ляцягі

Ляця́гі^[2] (трансліт.: Liaciahi, руск.: Летяги) — вёска ў Слаўгарадскім раёне Магілёўскай вобласці. Уваходзіць у склад Гіжэнскага сельсавета.

Вёска Ляцягі Краіна Беларусь Вобласць Магілёўская Раён Слаўгарадскі Сельсавет Гіжэнскі Каардынаты 53°36′36″ пн. ш. 30°57′33″ у. д.HGЯO Колькасць двароў 45[1] Насельніцтва 86[1] чалавек (2011) Часавы пояс UTC+3 Тэлефонны код +375 2246 Паштовыя індэксы 213242 Аўтамабільны код 6 Ляцягі на карце Беларусі ±

Назва

Назва вёскі нібыта паходзіць ад назвы ляцягі сумчатай (Petaurus breviceps), якая па-беларуску часцей называецца палятухай^[3].

Геаграфія

Геаграфічна вёска знаходзіцца на поўначы Слаўгарадскага раёна на мяжы з Чавускім раёнам. Недалёка ад Ляцяг працякае рака Проня, на якой змешчаны гідралагічны пост рачны 1 разраду р. Проня — в. Ляцягі^[4].

Насельніцтва

• 2011 год — 86 чалавек^[1]
• 2010 год — 86 чалавек
• 1999 год — 126 чалавек
• 1926 год — 542 чалавекі^[3]

Гісторыя

У 1676 годзе згадваецца як вёска ў Аршанскім павеце Вялікага Княства Літоўскага^[5]. У 1783 пабудавана драўляная Пакроўская царква; 31 двор, 145 жыхароў. З 1882 года ўладанне С. Шклярэвіча, які валодаў 1600 дзесяцінамі зямлі, 2 вадзянымі млынамі^[3].

У вёсцы знаходзіцца прыход Свята-Пакроўскай царквы Беларускай праваслаўнай царквы Маскоўскага Патрыярхату. У вёсцы захоўваецца ікона Божай Маці «Неапалімая купіна», напісаная ў 1943 годзе, якую мясцовыя жыхары лічаць цудадзейнай заступніцай ад пажару^[6][7].

Славутасці

Ля Ляцяг знаходзіцца брацкая магіла 1941, 1943 гадоў. —  Гісторыка-культурная каштоўнасць Беларусі, шыфр 513Д000530шыфр 513Д000530

Вядомыя асобы

• Несцер Пятровіч Емяльянаў — беларускі хімік
• Георгій Сямёнавіч Зымалёў  (руск.) — савецкі горны інжынер
• Ягор Сямёнавіч Зымалёў — Герой Сацыялістычнай Працы

Зноскі

1. КОЛИЧЕСТВО НАСЕЛЕНИЯ СЛАВГОРОДСКОГО РАЙОНА (руск.)
2. Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)
3. Памяць: Гісторыка-дакументальная хроніка Слаўгарадскага раёна, Мінск, БелТА, 1999, с. 574
4. ПОСТАНОВЛЕНИЕ СОВЕТА МИНИСТРОВ РЕСПУБЛИКИ БЕЛАРУСЬ 23 января 2007 г. № 75 Архівавана 11 студзеня 2012. (руск.)
5. LVIA, f. 11, ap. 1, b. 747
6. Хранительница «Неопалимой купины» (руск.)
7. В ЛЕТЯГАХ ВСЕ СПОКОЙНО Архівавана 20 жніўня 2011. (руск.)

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Захараненні партызан у в. Ляцягі (руск.)
• Жыцця аснова — родная зямля(недаступная спасылка)