Лорд-захавальнік Малой пячаткі

Лорд-захава́льнік Мало́й пяча́ткі (англ.: Lord Keeper of the Privy Seal) — адна з найстарэйшых пасад у англійскім, а затым і ў брытанскім урадзе.

Лорд-захавальнік Малой пячаткі
Lord Keeper of the Privy Seal
Герб урада Яе Вялікасці
Пасаду займае Ціна, баранэса Стоўэл Бістанская з 15 ліпеня 2014
Узначальвае	Вялікабрытанія
Форма звароту	Высокашаноўны
Прызначаецца	манархам
Пасада з’явілася	1307
Першы на пасадзе	Уільям Мелтан

Гісторыя і паўнамоцтвы

Першапачаткова Лорд-захавальнік Малой пячаткі адказваў за захаванасць асабістай пячаткі караля Англіі. У наш час ён з’яўляецца 5-м па рангу сярод Вышэйшых саноўнікаў дзяржавы і з’яўляецца адным з вышэйшых чыноўнікаў Вялікабрытаніі. У гісторыі краіны носьбіты гэтага тытула былі найбольш уплывовымі саноўнікамі, таму што ў мінулым не існавала сучаснай іерархіі чынавенства, і Лорд-захавальнік Малой пячаткі мог займаць самую высокую ўрадавую пасаду (як і Лорд-канцлер ці Першы лорд казначэйства (Лорд-скарбнік). У рэдкіх выпадках англійскай гісторыі пасада Лорда-захавальніка Малой пячаткі замяшчалі спецыяльна створаныя камісіі.

У наш час Лорд-захавальнік Малой пячаткі прызначаецца каралём (каралевай) Вялікабрытаніі па прапанове прэм'ер-міністра. Звычайна гэту пасаду займаюць Старшыні Палаты абшчын ці Палаты лордаў парламента Вялікабрытаніі. Становішча Лорда-захавальніка Малой пячаткі адпавядае пасадзе міністра без партфеля. Акрамя Лорда-захавальніка Малой пячаткі ў Вялікабрытаніі існуе таксама пасада Лорда-захавальніка Вялікай пячаткі (афіцыйнай пячаткі дзяржавы).

З 2014 года лордам-захавальнікам Малой пячаткі з’яўляецца Ціна, баранэса Стоўэл Бістанская.

Вышэйшыя цырыманіяльныя пасады Вялікабрытаніі
Лорд-распарадчык
Лорд-канцлер
Лорд-казначэй
Лорд-старшыня Савета
Лорд-захавальнік Малой пячаткі
Лорд вялікі камергер
Лорд-канстэбль
Граф-маршал
Лорд-адмірал

Найбольш вядомыя Лорды-захавальнікі Малой пячаткі

• Уільям Мелтан (1307—1312)
• Томас Балейн (1530—1536)
• Томас Кромвель (1536—1540)
• Фрэнсіс Бэкан (1617—1621)
• Чарлз Спенсер (1755)
• Джон Расел (1761—1763)
• Джордж Спенсер (1763—1765)
• Уільям Піт (1766—1768)
• Агастас Фіц-Рой (1771—1775)
• Джордж Кэмпбел (1853—1855)
• Бенджамін Дызраэлі (1876—1878)
• Арчыбальд Філіп Прымраўз (1885)
• Уільям Гладстан (1886)
• Роберт Гаскойн-Сесіл (1902)
• Артур Джэймс Бальфур (1902—1903)
• Джозеф Осцін Чэмберлен (1921—1922)
• Стэнлі Болдуін (1932—1934)
• Энтані Ідэн (1934—1935)
• Клемент Этлі (1940—1942)
• Айвар Рычард (1997—1998)