Леніна (Буда-Кашалёўскі раён)

У паняцця ёсць і іншыя значэнні, гл. Леніна.

Ле́ніна^[1] (трансліт.: Lienina, руск.: Ленино) — вёска ў Буда-Кашалёўскім раёне Гомельскай вобласці. Уваходзіць у склад Акцябрскага сельсавета.

Вёска Леніна Краіна Беларусь Вобласць Гомельская Раён Буда-Кашалёўскі Сельсавет Акцябрскі Каардынаты 52°43′25″ пн. ш. 30°39′11″ у. д.HGЯO Першая згадка XX стагоддзе Колькасць двароў 19 Насельніцтва 33 чалавекі (2004) Часавы пояс UTC+3 Тэлефонны код +375 2336 Паштовыя індэксы 247386 Аўтамабільны код 3 СААТА 3205864025 Леніна на карце Беларусі ±

Геаграфія

Размяшчэнне

За 6 км на ўсход ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 42 км ад Гомеля.

Гідраграфія

На поўначы меліярацыйныя каналы, злучаныя з ракой Ліпа (прыток ракі Сож).

Транспартная сетка

Транспартныя сувязі па прасёлкавай, затым аўтадарогах, якія адыходзяць ад Буда-Кашалёва. Планіроўка складаецца з ледзь выгнутай кароткай вуліцы, арыентаванай з паўднёвага ўсходу на паўночны захад і забудаванай няшчыльна драўлянымі дамамі сядзібнага тыпу.

Гісторыя

Заснавана напачатку XX стагоддзя перасяленцамі з суседніх вёсак. У 1925 годзе ў Дуравіцкім сельсавеце Буда-Кашалёўскага раёна Бабруйскай акругі. У 1930 годзе арганізаваны калгас «Імя У. І. Леніна», працавала гамарня. На франтах Вялікай Айчыннай вайны загінулі 22 жыхара вёскі. У 1959 годзе ў складзе саўгаса «Дуравіцкі» (цэнтр — вёска Дуравічы).

Да 1 снежня 2009 года вёска ўваходзіла ў склад Дуравіцкага сельсавета^[2].

Насельніцтва

Колькасць

• 2004 год — 19 гаспадарак, 33 жыхара.

Дынаміка

• 1925 год — 44 двары.
• 1959 год — 160 жыхароў (паводле перапісу).
• 2004 год — 19 гаспадарак, 33 жыхара.

Зноскі

1. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
2. «Об изменении административно-территориального устройства Буда-Кошелевского района Гомельской области». Решение Гомельского областного Совета депутатов от 1 декабря 2009 г. № 277 Архівавана 29 кастрычніка 2013. (руск.)

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх