Куторы (Neomys) — род млекакормячых сямейства землярыйкавых.
Хуткія факты Навуковая класіфікацыя, Міжнародная навуковая назва ...
Закрыць
Род уключае 2 віды: кутора звычайная, або вадзяная, і кутора малая. Пашыраны ў Еўразіі. Жывуць каля вадаёмаў, добра плаваюць і ныраюць. На Беларусі абодва віды, кутора малая больш рэдкая, трапляюцца пераважна на поўдні, на Пабужжы і Палессі; адзіныя ў фаўне Беларусі ядавітыя віды.
Даўжыня цела да 10 см, хваста да 8 см, маса да 20 г. Поўсць чорная або бурая, на брушку белая або шараватая, кароткая, аксаміцістая. Пыска падоўжаная з вібрысамі. На задніх лапах плавальная аблямоўка з цвёрдых валаскоў.
Кормяцца насякомымі, чарвямі, жабамі, ікрой, маляўкамі рыб. Гнёзды ў норах або на купінах у траве. Нараджаюць да 14 дзіцянят.
