грэчаская назва старажытнаегіпецкага горада Шэдыт, размешчанага на беразе Мерыдава возера ў Фаюмскім аазісе From Wikipedia, the free encyclopedia
Кракадзілопаль (стар.-грэч.: Κροκοδείλων πόλις — «горад гадаў») — грэчаская назва старажытнаегіпецкага горада Шэдыт, размешчанага на беразе Мерыдава возера ў Фаюмскім аазісе. У наш час на яго месцы размяшчаецца горад Кіман-Фарыс.
Шэдыт быў культавым цэнтрам Себека — бога з галавой кракадзіла. У вялікім храме ў выглядзе лабірынта, які быў апісаны Герадотам, жрацы трымалі зямное ўвасабленне Себека — свяшчэннага кракадзіла, прыбранага золатам і алмазамі. Пасля смерці свяшчэнных кракадзілаў муміфікавалі, падобна жрацам і фараонам. У адным толькі Кім-эль-Брэйгат археолагі выявілі пахаванні з дзвюма тысячамі кракадзілавых мумій, не лічачы розных пахавальных прыстасаванняў, напрыклад, адмысловых насілак для кракадзілаў.
Пталамей II Філадэльф пераназваў Кракадзілопаль у Арсіною ў гонар Арсіноі II, сваёй сястры і жонкі. З распаўсюджваннем хрысціянства ў Арсіноі была заснавана копцкая епіскапія. Пра ранняе развіццё хрысціянства сведчаць познеантычныя папірусы, у вялікай колькасці выяўленыя ў акрузе ў 1877—1878 гг.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.