Коханаўскі сельсавет

Ко́ханаўскі сельсавет — адміністрацыйна-тэрытарыяльная адзінка ў складзе Талачынскага раёна Віцебскай вобласці. Цэнтр — гарадскі пасёлак Коханава.

Коханаўскі сельсавет
Краіна	Беларусь
Уваходзіць у	Талачынскі раён
Уключае	51 населены пункт
Адміністрацыйны цэнтр	Коханава
Дата ўтварэння	20 жніўня 1924, 27 верасня 1938, 20 чэрвеня 2013
Дата скасавання	24 верасня 1926, 15 кастрычніка 1960
Насельніцтва (2019)	5 447
Часавы пояс	UTC+03:00
Код аўтам. нумароў	2
Афіцыйны сайт

Гісторыя

Утвораны 20 жніўня 1924 года ў складзе Коханаўскага раёна Аршанскай акругі БССР. Цэнтр — мястэчка Коханава. 24 верасня 1926 года скасаваны ў сувязі з утварэннем Коханаўскага местачковага савета.

27 верасня 1938 года Коханаўскі сельсавет утвораны зноў у складзе Талачынскага раёна Віцебскай вобласці БССР у сувязі з паніжэннем статуса Коханава да вёскі і са скасаваннем Коханаўскага местачковага савета. З 9 верасня 1946 года сельсавет у складзе адноўленага Коханаўскага раёна, з 17 снежня 1956 года — у складзе Талачынскага раёна. 15 кастрычніка 1960 года скасаваны, усе населеныя пункты перададзены ў адміністрацыйнае падпарадкаванне Коханаўскага пассавета^[1].

15 кастрычніка 1960 года да Коханаўскага пассавета далучана частка скасаванага Пярэвалачненскага сельсавета (10 населеных пунктаў: Астрашапкі, Байкал, Балашова, Вялікая Пярэвалачня, Забайкал, Кучына, Малая Пярэвалачня, Малое Гальцэва, Марцюхова, Чырвоны і 4 чыгуначныя будкі), таксама ў адміністрацыйнае падпарадкаванне пассавета з Жукнеўскага сельсавета перададзена вёска Кувечына^[1]. 29 снежня 1961 года ў склад Жукнеўскага сельсавета перададзены 3 населеныя пункты (Вялікае Галошава, Заазер’е і Кувечына)^[2]. 12 лютага 1965 года да пассавета далучана частка Сальніцкага сельсавета (9 населеных пунктаў: Белаброддзе, Замошша, Кісялі, Круханавічы, Нагаўкі, Рамашкава, Сальнікі, Старынкі і Уладыкі)^[3], 8 красавіка 2004 года — частка скасаванага Жукнеўскага сельсавета (10 населеных пунктаў: Барашы, Дуброўскія, Замосце, Любатынь, Новае Рцішчава, Рэчкі, Сіманава, Старое Рцішчава, Хаценічы і Чотава)^[4]. 29 сакавіка 2013 года скасавана сяло Пярэвалачня^[5].

20 чэрвеня 2013 года Коханаўскі пассавет рэарганізаваны ў сельсавет^[6]. 28 снежня 2022 года скасавана вёска Кучына^[7].

Насельніцтва

Насельніцтва пассавета паводле перапісу 2009 года (без Коханава) — 2322 чалавекі^[8], з іх 91,3 % — беларусы, 6,7 % — рускія, 1,4 % — украінцы^[9]. Насельніцтва сельсавета паводле перапісу 2019 года — 5447 чалавек^[10].