Кляштар місіянераў (Лыскава)

Кля́штар місіяне́раў — манастырскі комплекс у Лыскаве Пружанскага раёна, збудаваны ў XVIII стагоддзі. У склад комплексу ўваходзяць Траецкі касцёл і жылы корпус. Кляштар місіянераў — помнік архітэктуры позняга барока, занесены ў Дзяржаўны спіс гісторыка-культурных каштоўнасцей Рэспублікі Беларусь.

Кляштар
Кляштар місіянераў
Жылы корпус кляштара. Цяпер тут размяшчаецца лекарская амбулаторыя
52°51′22″ пн. ш. 24°36′51″ у. д.HGЯO
Краіна	Беларусь
Аграгарадок	Лыскаў
Канфесія	каталіцтва
Епархія	Пінская дыяцэзія
Ордэнская прыналежнасць	манахі-місіянеры
Тып	мужчынскі
Тып будынка	кляштар
Архітэктурны стыль	позняе барока
Заснавальнік	ордэн місіянераў
Дата заснавання	другая палова XVIII стагоддзя
Статус	ахоўваецца дзяржавай
Стан	адрэстаўраваны
Медыяфайлы на Вікісховішчы

Мінуўшчына

Мураваны барочны касцёл і жылы корпус збудавалі ў другой палове XVIII стагоддзя манахі-місіянеры.

Акрамя жылых памяшканняў, на першым паверсе корпуса размяшчаліся кузня і трапезная. Цяпер у будынку дзейнічае ўрачэбная амбулаторыя.

Архітэктура

Калідор на другім паверсе будынка

Жылы корпус — двухпавярховы П-падобны будынак. Галоўны ўсходні фасад павернуты ў бок касцёла.

Сцены па перыметры апярэзаны пілястрамі. Бакавыя часткі фасаду падзеленыя карнізнай цягай на 2 ярусы. Пілястры ніжняга ярусу апрацаваныя рустыкай.

Вокны першага паверху знаходзяцца ў аркавых нішах, другога — акаймаваны простымі ліштвамі.

Скляпенні калідора цыліндрычныя з распалубкай, памяшканняў — крыжовыя.

Літаратура

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 112Г000621

• В.В. Алисейчик. 1597. Монастырь миссионеров // Свод памятников истории и культуры Белоруссии. Брестская область / Редкол.: С. В. Марцелев (гл. ред.) и др.. — Мн.: БелСЭ, 1990. — 424 с. — 25 000 экз. — ISBN 5-85700-017-3.

Спасылкі

• object на сайце Radzima.org
• Фотаздымкі на «Глобусе Беларусі»