Кастусь Станкевіч

У Вікіпедыі ёсць артыкулы пра іншых людзей з прозвішчам Станкевіч.

Кастусь Станкевіч (1925 — 27 лістапада 1989) — грамадскі дзеяч беларускай дыяспары ў Аўстраліі.

Кастусь Станкевіч
Дата нараджэння	1925
Месца нараджэння	Турэц, Гміна Ярэмічы[d], Навагрудскі павет, Навагрудскае ваяводства, Польская Рэспубліка
Дата смерці	27 лістапада 1989(1989-11-27)
Месца смерці	Аўстралія
Месца працы	Philips
Член у	Федэральная рада беларускіх арганізацый у Аўстраліі Беларускае аб'яднанне ў Паўднёвай Аўстраліі

Біяграфія

Нарадзіўся ў м. Турэц (Карэліцкі раён) у сялянскай сям'і ў 1925 годзе. Падчас нямецкай акупацыі вывезены на працы ў Германію, адкуль у 1949 годзе разам з жонкай Эміліяй эміграваў у Аўстралію. У Адэлаідзе вучыўся ў Школе радыё- і тэлемэханікі. Атрымаўшы дыплом, працаваў у фірме «Philips», а потым арганізаваў уласны бізнэс. Адразу далучыўся да новаарганізаванай беларускай грамады ў Адэлаідзе. Актыўна дапамагаў у пабудове беларускай царквы і ад 1966 году займаў розныя пасады ў парафіяльнай радзе, а ў 1974—1988 гадах — яе старшыня. Ініцыятар пабудовы прыцаркоўнай залы, што ператварылася ў цэнтр беларускіх мерапрыемстваў. Напісаў партрэты Янкі Купалы і Якуба Коласа для беларускай залы. У пач. 1980-х гадоў — старшыня Федэральнай рады беларускіх арганізацый у Аўстраліі. Ад жніўня 1989 года (у апошнія месяцы жыцця) выконваў абавязкі сакратара Беларускага аб’яднання ў Паўднёвай Аўстраліі.

Літаратура

• Гардзіенка, Н. Беларусы ў Аўстраліі: да гісторыі дыяспары / Натальля Гардзіенка; Прадмова І.Сурвіллы. — Мн.: Беларускі кнігазбор, 2004. — 468 с., [4] арк. — (Бібліятэка Бацькаўшчыны, Кніга 3).