Капейнае (Пухавіцкі раён)

У паняцця ёсць і іншыя значэнні, гл. Капейнае.

Капе́йнае^[1] (трансліт.: Kapiejnaje, руск.: Копейное) — вёска ў Пухавіцкім раёне Мінскай вобласці. Уваходзіць у склад Дукорскага сельсавета. Месціцца за 23 км на паўночны захад ад Мар’інай Горкі, 45 км ад Мінска.

Вёска Капейнае Краіна Беларусь Вобласць Мінская Раён Пухавіцкі Сельсавет Дукорскі Каардынаты 53°34′46″ пн. ш. 27°55′08″ у. д.HGЯO Насельніцтва ▼48 чал. (2019) Часавы пояс UTC+3 Тэлефонны код +375 1713 Аўтамабільны код 5 СААТА 6244830051 Капейнае на карце Беларусі ±

Капейнае на Вікісховішчы

Гісторыя

У 1816 годзе ўпамінаецца як уласнасць Ратынскіх, у Ігуменскім павеце Мінскай губерні. З другой паловы XIX стагоддзя ў Навасёлкаўскай воласці Ігуменскага павета. У 1884 годзе адкрыта школа граматы. Паводле перапісу 1897 года быў піцейны дом. У 1908 годзе адкрыта царкоўнапрыходская школа.

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай воласць абвешчана часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. У 1922 годзе працавала школа 1-й ступені, у якой у тым годзе працаваў 1 настаўнік, было каля 50 вучняў.

У Другую сусветную вайну з канца чэрвеня 1941 года да пачатку ліпеня 1944 года тэрыторыя пад акупацыяй Германіі.

Да 28 мая 2013 года вёска ўваходзіла ў склад Дрычынскага сельсавета^[2].

Насельніцтва

• 1816 год — 13 двароў, каля 100 жыхароў
• 1858 год — 73 жыхары мужчынскага полу
• 1897 год — 53 двары, 316 жыхароў
• 1908 год — 48 двароў, 421 жыхар
• 1917 год — 63 двары, 393 жыхары
• 1960 год — 303 жыхары
• 2002 год — 36 двароў, 64 жыхары
• 2009 год — 58 жыхароў
• 2019 год — 48 жыхароў^[3]

Вядомыя асобы

• Алег Васілевіч Прышчэпчык (нар. 1974)— беларускі біёлаг.

Крыніцы

1. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU). Сустракаецца таксама варыянт Капе́йна
2. «Об изменении административно-территориального устройства районов Минской области». Решение Минского областного Совета депутатов от 28 мая 2013 г. № 234 Архівавана 31 сакавіка 2016. (руск.)
3. Belarus (нявызн.). pop-stat.mashke.org. Праверана 15 красавіка 2024.

Літаратура

• Капейнае // Гарады і вёскі Беларусі: Энцыклапедыя. Т. 8: Мінская вобласць, кн. 4 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2013. — С. 148. — 2 000 экз. — ISBN 978-985-11-0735-9.
• Памяць: Пухавіцкі раён: Гісторыка-дакументальныя хронікі гарадоў і раёнаў Беларусі / Укл. А. А. Прановіч; Рэдкал.: А. М. Карлюкевіч і інш.. — Мінск: Беларусь, 2003. — 749 с. — ISBN 985-01-0251-9.

Спасылкі

• На Вікісховішчы ёсць медыяфайлы па тэме Капейнае (Пухавіцкі раён)