Камскае вадасховішча

Камскае вадасховішча (руск.: Камское водохранилище) — вадасховішча Камскай ГЭС на рацэ Кама, у Пермскім краі Расіі.

Камскае вадасховішча
руск.: Камское водохранилище
Камскае вадасховішча ў раёне ўпадзення ракі Чусавая
Каардынаты: 58°08′ пн. ш. 56°21′ у. д.HGЯO
Размяшчэнне	Расія, Пермскі край
Даўжыня	350 км
Шырыня	14 км
Плошча	1910 км²
Аб'ём	12,2 км³
Найбольшая глыбіня	30 м
Выцякаюць	Кама
Год напаўнення	1954
Камскае вадасховішча
Медыяфайлы на Вікісховішчы

Створана ў 1954 годзе пасля завяршэння будаўніцтва плаціны ГЭС. Падпор узроўню вады ў плаціны склаў 22 м і распаўсюдзіўся па Каме — на 350 км, па Чусавой — на 153 км, па Сылве — на 120 км, па Обве — на 90 км, па Іньве — на 80 км, па Косьве — на 60 км.

Агульная плошча вадасховішча ў нармальных умовах — 1910 км², аб’ём — 12,2 км³. Найбольшая шырыня — 14 км, але ў месцы зліцця Іньвы і Косьвы з Камай адлегласць паміж берагамі дасягае 27 км. Найбольшая глыбіня — 30 м.

На беразе вадасховішча размешчаны гарады Перм, Салікамск, Бярэзнікі, Дабранка, пасёлак Сылва і іншыя населеныя пункты.

Спасылкі

• На Вікісховішчы ёсць медыяфайлы па тэме Камскае вадасховішча
• Салтанкин В. П. Камское водохранилище // Научно-популярная энциклопедия «Вода России» (руск.)