Кабальцін

Кабальці́н, кобальтавы блішчак — мінерал класа сульфідаў, сульфід кобальту і мыш’яку, CoAsS. Упершыню апісаны ў 1832 годзе^[1].

Кабальцін
Формула	CoAsS
Прымесь	жалеза, нікель
Сінгонія	рамбічная[1]
Колер рысы	чорны
Бляск	металічны
Празрыстасць	непразрысты
Цвёрдасць	5,5
Спайнасць	дасканалая па {001}
Злом	няроўны
Шчыльнасць	6,1—6,2 г/см³

Утрымлівае да 34 % кобальту, прымесі жалеза (да 16 %, феракабальцін)^[2]. Крышталізуецца ў рамбічнай сінгоніі^[1]. Утварае крышталі кубічнай і актаэдрычнай формы, зярністыя агрэгаты, украпіны, пражылкі. Непразрысты. Колер серабрыста-белы з ружаватым адценнем. Бляск металічны. Колер рысы чорны. Цвёрдасць 5,5 па шкале Моаса. Шчыльнасць 6,1—6,2^[2] (6,33^[1]) г/см³. Крохкі.

Сустракаецца ў гідратэрмальных жылах. Радовішчы ў Канадзе, Нарвегіі, Швецыі, Германіі, Аўстраліі, Марока, Дэмакратычнай Рэспубліцы Конга, Інданезіі, Азербайджане, Расіі (Каўказ, Урал, Краснаярскі край), Замбіі, на востраве Куба^[1].

Кабальцін — важная руда на кобальт.

Зноскі

1. Кобальтин // Каталог Минералов (руск.)
2. Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7.

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7). — С. 381.

Спасылкі

• Кобальтин // Каталог Минералов (руск.)
• Cobaltite Mineral Data // Mineralogy Database (англ.)