Гімн Кітая

Марш добраахвотнікаў (кіт.: 義勇軍進行曲, 义勇军进行曲, Yìyǒngjūn Jìnxíngqǔ) — нацыянальны гімн Кітайскай Народнай Рэспублікі.

Марш добраахвотнікаў
义勇军进行曲
Іюнцзюнь цзіньсінцюй
Аўтар слоў	Цянь Хань, 1934
Кампазітар	Нэ Эр, 1935
Краіна	Кітай
Зацверджаны	1949 (дэ-юрэ ў 2004)

Гісторыя

Словы напісаў кітайскі паэт Цянь Хань, музыку — Нэ Эр у 1935 годзе для фільма «Дзеці грозных гадоў  (англ.)». Сюжэт фільма распавядаў пра змаганне кітайцаў супраць японскага ўварвання  (англ.) (пасля «інцыдэнту 18 верасня  (англ.)») ў Маньчжурыю. 27 верасня 1949 г. на першай сесіі Усекітайскі камітэт Народнага палітычнага кансультатыўнага савета Кітая  (англ.) прызнаў песню ў якасці часовага Дзяржаўнага гімна КНР. 14 сакавіка 2004 г. на другой сесіі Усекітайскі Сход Народных Прадстаўнікоў 10-га склікання ўхваліў папраўкі ў канстытуцыю КНР, паводле якіх «Марш добраахвотнікаў» зацвярджаўся ў якасці афіцыйнага Дзяржаўнага гімна КНР^[1].

Словы

Піньін: Qǐlái! Búyuàn zuò núlì de rénmen! Bǎ wǒmen de xuèròu zhùchéng wǒmen xīnde chángchéng! Zhōnghuá Mínzú dào le zùi wēixiǎnde shíhòu, Měige rén bèipòzhe fāchū zùihòude hǒushēng. Qǐlái! Qǐlái! Qǐlái! Wǒmen wànzhòngyīxīn, Màozhe dírén de pàohuǒ, Qiánjìn! Màozhe dírén de pàohuǒ, Qiánjìn! Qiánjìn! Qiánjìn! Jìn!

Пераклад:[2] Уставай, хто рабом стаць не жадае! Са сваёй плоці Вялікую сцяну пабудуем! Для лёсу нацыі грозная гадзіна надышла, І з грудзей ірвецца кліч наш апошні: Уставай! Уставай! Уставай! Нас мільёны, але сэрцам мы адзіныя, Пад агнём кананады смела мы ў бой пойдзем, Наперад! Наперад! Наперад!

Зноскі

1. Дзяржаўны гімн КНР (нявызн.). Міжнароднае радыё Кітая (5 сакавіка 2013). Праверана 21 студзеня 2017.
2. belarusian.cri.cn

Спасылкі

• На Вікісховішчы ёсць медыяфайлы па тэме Гімн Кітая