Ганна Данілаўна Каліва

Ганна Данілаўна Каліва (25 ліпеня 1915, в. Каменка Горацкага раёна — 1 сакавіка 1998, Каменка Горацкага раёна) — Герой Сацыялістычнай Працы (1960), Заслужаны механізатар БССР (1963), дэпутат Вярхоўнага Савета БССР (1963—1967), дэлегат Трэцяга Усесаюзнага з’езда калгаснікаў (1969).

Ганна Данілаўна Каліва
Дата нараджэння	25 ліпеня 1915(1915-07-25)
Месца нараджэння	Каменка, Раманаўская воласць[d], Горацкі павет, Магілёўская губерня, Расійская імперыя
Дата смерці	1 сакавіка 1998(1998-03-01) (82 гады)
Месца смерці	Каменка, Горскі сельсавет, Горацкі раён, Магілёўская вобласць, Беларусь
Грамадзянства	СССР  Беларусь
Узнагароды і прэміі

Біяграфія

У 1938 годзе скончыла курсы трактарыстаў у Мсціславе. З 1939 года працавала трактарысткай ў Ленінскай МТС Горацкага раёна. У 1940 г. была ўдзельніцай Усесаюзнай сельскагаспадарчай выстаўкі ў Маскве. У час Вялікай Айчыннай вайны працавала механізатарам у эвакуацыі. Пасля вайны скончыла курсы механізатараў пры Беларускай сельскагаспадарчай акадэміі і ўзначаліла ў Горацкай МТС адну з першых у Беларусі дзявочых трактарных брыгад. У 1950—1970 гадах працавала ў Горацкай МТС, калгасах «Советская Беларусь» і «50 гадоў БССР» брыгадзірам трактарнай брыгады.

У тыя гады існаваў пагектарны догляд трактароў. І машыны ставілі на рамонт пасля пэўнай колькасці апрацаваных гектараў зямлі. Ганна Данілаўна прапанавала ўзяць за аснову колькасць выкарыстанага трактарам гаручага і фактычную працу. Гэта давала вялікую эканомію. Свае прапановы і працоўны вопыт яна абагульніла ў брашуры «Даўгавечнасць машын — справа механізатараў», якую выдалі ў Мінску. Брашуру ацанілі не толькі механізатары, але і навукоўцы.

Званне Героя Сацыялістычнай Працы прысвоена ў 1960 годзе. Дэпутат Вярхоўнага Савета БССР у 1963—1967 гадах. Заслужаны механізатар БССР (1963). З 1970 года — на пенсіі. Памерла 1 сакавіка 1998 года.

Узнагароды

• Медаль Серп і Молат
• Ордэн Леніна (1960)
• Ганаровая грамата Вярхоўнага Савета БССР (1978)
• медалі ВДНГ СССР

Памяць

У яе гонар на алеі Герояў Савецкага Саюза і Сацыялістычнай Працы ў г. Горкі Магілёўскай вобласці ўсталяваны памятны знак.

Бібліяграфія

• Каліва, Г. Д. Даўгавечнасць машын — справа механізатараў / Г. Д. Каліва — Мн. : Ураджай, 1964. 44 с.

Літаратура

• Алиева, Л. Хозяйка техники / Л. Алиева // Стахановцы полей : к пятидесятилетию стахановского движения : [сборник]. — Москва : Агропромиздат, 1985. — С. 214—226.
• Каліва, Ганна Данілаўна // Беларуская ССР : кароткая энцыклапедыя : у 5-і т. — Мінск, 1981. — Т. 5. — С. 273.
• Каліва, Ганна Данілаўна // Памяць : гісторыка-дакументальная хроніка Горацкага раёна. — Мінск, 1996. — С. 542.
• Каливо, Анна Даниловна // Гордость и слава Могилевщины : Герои Социалистического Труда. — Могилев, 2005. — С. 48.
• Каливо, Анна Даниловна : [бригадир женской тракторной бригады, Герой Социалистического Труда] // Твои герои, Беларусь! Герои Социалистического труда : биографический справочник / составители И. Н. Кулан [и др.]. — Минск : БелЭН, 2014. — С.106.
• Капустин, А. Девиз — мастерство / А. Капустин // Дела их золотом горят : очерки / составители: В. П. Бербего, И. И. Гаврилов. — Мінск, 1976. — С.127-133.
• Лившиц, В. Каливо Анна Даниловна / Владимир Лившиц // Лившиц, В. Гордость и слава Горецкой земли : в 3-х книгах / Владимир Лившиц. — Горки, 2015. — Книга 3: Герои Социалистического Труда, заслуженные работники народного хозяйства, культуры, художники и писатели. — С. 11.
• Ракітны, М. Глыбокі след / М. Ракітны // Беларусь. — 1963. — № 6. — С. 19-20.

Спасылкі

• Лившиц, В. М. Решила стать трактористкой, насмотревшись советских фильмов : [о Герое Социалистического Труда Каливо Анне Даниловне] / Владимир Лившиц // Узгорак . — 2015. — 30 ліпеня. — С. 7. https://govorim.by/mogilevskaya-oblast/gorki/novosti-gorok/197653-reshila-stat-traktoristkoy-nasmotrevshis-sovetskih-filmov.html