Віктар Васілевіч Арсеньеў

Віктар Васілевіч Арсе́ньеў (нар. 26 снежня 1950, г. Брэст) — беларускі і расійскі архітэктар.

Віктар Васілевіч Арсеньеў
Дата нараджэння	26 снежня 1950(1950-12-26) (73 гады)
Месца нараджэння	Брэст, Брэсцкая вобласць, БССР, СССР
Грамадзянства	БССР  Расія
Альма-матар	Брэсцкі інжынерна-будаўнічы інстытут (1972)
Месца працы	Брэстграмадзянпраект
Член у	Саюз архітэктараў СССР

У Вікіпедыі ёсць артыкулы пра іншых асоб з прозвішчам Арсеньеў.

Гісторыя

Скончыў у 1972 годзе Брэсцкі інжынерна-будаўнічы інстытут. У 1972—1986 працаваў у інстытуце «Брэстграмадзянпраект» (галоўны архітэктар праектаў), з 1986 у Дзяржаўным праектным інстытуце № 3 у Ленінградзе (галоўны архітэктар інстытута)^[1].

З 1976 года член Саюза архітэктараў СССР^[2].

З 1991 года генеральны дырэктар ТАА «Архітэктурная майстэрня В. В. Арсеньева» ў Санкт-Пецярбургу^[2].

Творы

Гараж на 70 аўтамашын у Брэсце

Асноўныя работы (у Брэсце): будынак рэдакцыі і выдавецтва газеты «Зара» (1980), комплекс гаражоў па вуліцы Герояў абароны Брэсцкай Крэпасці (1980), фізкультурна-аздараўленчы комплекс (1981), забудова мікрараёна Усход 3 (1986), рэканструкцыі школы № 15 (1984) і будынка Брэсцкага аблвыканкома (1990), добраўпарадкаванне вуліцы і пл. Леніна (1985), Брэсцкі аэравакзал (1986; Дзяржаўная прэмія БССР 1988)^[1].

Зноскі

1. Арсеньеў Віктар Васілевіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
2. ОБЩЕСТВО С ОГРАНИЧЕННОЙ ОТВЕТСТВЕННОСТЬЮ АРХИТЕКТУРНАЯ МАСТЕРСКАЯ В. В. АРСЕНЬЕВА

Літаратура

• Арсеньеў Віктар Васілевіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
• Арсеньев Виктор Васильевич // Республика Беларусь: Энциклопедия в 7 т. Т. 2: А — Герань / редкол. Г. П. Пашков и др. — Минск: БелЭн, 2006. — 912 с : ил. — ISBN 985-11-0341-1. — ISBN 985-11-0371-3 (Т. 2).