Вінчэнца дэ Рыкаці

Вінчэнца дэ Рыкаці (італ.: Vincenzo de Riccati; 11 студзеня 1707, Кастэльфранка-Венета — 17 студзеня 1775, Трэвіза) — італьянскі матэматык, замежны ганаровы член Пецярбургскай АН з 17 студзеня 1760 года. Вядомы як стваральнік гіпербалічных функцый. Бацька Вінчэнца — Якопа Франчэска Рыкаці (у гонар якога названа ўраўненне Рыкаці) — быў адным з буйных італьянскіх матэматыкаў таго часу.

Вінчэнца дэ Рыкаці
італ.: Vincenzo de Riccati
Вінчэнца дэ Рыкаці
Дата нараджэння	11 студзеня 1707(1707-01-11)[1]
Месца нараджэння	Кастэльфранка-Венета[d], правінцыя Трэвіза, Венета, Італія
Дата смерці	17 студзеня 1775(1775-01-17)[1] (68 гадоў)
Месца смерці	Трэвіза, правінцыя Трэвіза, Венета, Італія
Бацька	Якопа Франчэска Рыкаці
Род дзейнасці	матэматык, фізік
Навуковая сфера	матэматыка
Член у	Расійская акадэмія навук
Медыяфайлы на Вікісховішчы

Вінчэнца Рыкаці атрымаў у спадчыну інтарэсы бацькі ў вобласці дыферэнцыяльных ураўненняў, якія натуральна ўзнікалі пры рашэнні геаметрычных задач. Гэта прывяло яго да вывучэння канічных сячэнняў у дэкартавых каардынатах і да зацікаўленасці ў вывучэнні гіпербалы. У сучаснай матэматыцы прынята вызначаць гіпербалічныя функцыі, выражаючы іх цераз экспаненцыяльную функцыю, але Рыкаці даследаваў іх уласцівасці, выкарыстоўваючы толькі геаметрычныя ўласцівасці гіпербалы x² − y² = 1 або 2xy = 1. Ён выкарыстоўваў геаметрычныя метады, хоць ён быў знаёмы з працамі Эйлера, якія папярэднічалі выхаду кнігі Рыкаці.

Зноскі

1. MacTutor History of Mathematics archive — 1994. Праверана 22 жніўня 2017.

   <a href='https://wikidata.org/wiki/Track:Q547473'></a>

Літаратура

• Гусак А. А., Гусак Г. М., Брычыкава А. А. Даведнік па вышэйшай матэматыцы — Мн.: «ТетраСистемс», 2007. — С. 550.

Спасылкі

• Vincent Riccati, S.J. and his hyperbolic functions Архівавана 16 кастрычніка 2011.
• Профіль Вінчэнца дэ Рыкаці на афіцыйным сайце РАН
• Джон Дж. О’Конар і Эдмунд Ф. Робертсан. Вінчэнца дэ Рыкаці (англ.) у архіве MacTutor.