Вілейскі павет (1920—1940)

У паняцця ёсць і іншыя значэнні, гл. Вілейскі павет.

Вілейскі павет — адміністрацыйна-тэрытарыяльная адзінка ў Віленскім ваяводстве Польскай Рэспублікі і ў БССР у 1920—1940 гадах. Створаны па выніках Польска-савецкай вайны 7 лістапада 1920 года, першапачаткова ўваходзіў у склад Навагрудскага ваяводства.

Межы павета ў 1927—1939 гадах

Вілейскі павет
Краіна	Польская Рэспубліка
Статус	Павет
Уваходзіць у	Віленскае ваяводства (1926—1945) Навагрудскае ваяводства (1920—1922) Віленская зямля (1922—1926) Вілейская вобласць (1939—1940)
Адміністрацыйны цэнтр	Вілейка
Дата ўтварэння	7 лістапада 1920 года
Насельніцтва (1931)	131 100
Шчыльнасць	38 чал./км²
Плошча	3 427 км²

13 красавіка 1922 г. быў далучаны да Віленскай зямлі, якая з 20 студзеня 1926 г. перайменаваная ў Віленскае ваяводства. Павет складаўся з 13 гмін, 10 мястэчкаў і 1 горада.

1 красавіка 1927 года ў сувязі са стварэннем Маладзечанскага павета, апошняму былі перададзеныя Гарадоцкая гміна, Красненская, Лебедзеўская, Маладзечанская і Радашковіцкая.

З лістапада 1939 года далучаны да БССР, са снежня 1939 года ў складзе Вілейскай вобласці, 15 студзеня 1940 года скасаваны.

Адміністрацыйны падзел

Гміны

• Вілейка (гарадская)
• Будслаў (вясковая)
• Хаценчыцы (вясковая)
• Даўгінава (вясковая)
• Ілья (вясковая)
• Каловічы (вясковая)
• Касцяневічы (вясковая)
• Крывічы (вясковая)
• Куранец (вясковая)
• Вязынь (вясковая)
• Вішнева (вясковая)
• Войстам (вясковая)
• Жодзішкі (вясковая)
• Маладзечна да 1927 г.
• Краснае да 1927 г.
• Радашковічы да 1927 г.
• Лебедзева да 1927 г.
• Гарадок да 1927 г.

Мястэчкі

• Будслаў
• Вішнева
• Даўгінава
• Ілья
• Касцяневічы
• Крывічы
• Куранец
• Вязынь
• Войстам
• Жодзішкі

Горад

• Вілейка

Літаратура

• Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).

Спасылкі

• Вилейский уезд — генеалогия и краеведение