Вацлаў Пятровіч Грузель

Ва́цлаў Пятровіч Гру́зель (нар. 22 верасня 1884, Скернявіцкі павет, Варшаўская губерня, цяпер Польшча — расстраляны 21 ліпеня 1937, Масква, Расійская Федэрацыя) — савецкі дзеяч, старшыня Цэнтральнай кантрольнай камісіі КП(б) Беларусі і наркам рабоча-сялянскай інспекцыі Беларускай ССР, член ЦВК СССР 2—3-га склікання, член ЦВК БССР (1921—1926), член Прэзідыума ЦВК БССР (1924—1926). Кандыдат у члены Цэнтральнага бюро ЦК Кампартыі Беларусі (1921—1922), Член Цэнтральнага бюро ЦК КП(б)Б (1923—1924), член Цэнтральнай кантрольнай камісіі УКП(б) (1924—1934).

Вацлаў Пятровіч Грузель
Наркам рабоча-сялянскай інспекцыі БССР 1924 — 1925
Кіраўнік урада	Язэп Адамовіч
Пераемнік	Віктар Радус-Зяньковіч
Старшыня Цэнтральнай кантрольнай камісіі КП(б)Б 1924 — снежань 1925
Пераемнік	Віктар Радус-Зяньковіч
Нараджэнне	22 верасня 1884(1884-09-22) Скернявіцкі павет, Лодзьскае ваяводства, Польшча
Смерць	21 жніўня 1937(1937-08-21) (52 гады)
Месца пахавання	Данскія могілкі[d]
Бітвы	Грамадзянская вайна ў Расіі
Узнагароды

Біяграфія

Працаваў рабочым цукровага завода ў Сахачэўскім павеце, мулярам у Варшаве.

Член Сацыял-дэмакратыі Каралеўства Польскага і Літвы (СДКПіЛ) (РСДРП(б)) з 1906 года.

Удзельнік баявога атрада СДКПіЛ у 1906 годзе. Быў арыштаваны расійскімі ўладамі і знаходзіўся ў эміграцыі, пасля вёў рэвалюцыйную працу на Каўказе і ва Украіне.

З 1918 па 1921 год служыў у Чырвонай Арміі: ваенны камісар брыгады, з 23 верасня 1919 года па 22 мая 1920 года — ваенны камісар 52-й стралковай дывізіі на Заходнім і Паўднёвым франтах. Удзельнік грамадзянскай вайны ў Расіі.

У 1921—1923 гг — старшыня Выканаўчага камітэта Мінскага павятовага Савета.

У 1923—1924 гг — старшыня Выканаўчага камітэта Бабруйскага павятовага Савета.

У 1924 — снежні 1925 года — старшыня Цэнтральнай кантрольнай камісіі КП(б) Беларусі. У той жа час у 1924 — студзені 1926 года — наркам рабоча-сялянскай інспекцыі Беларускай ССР.

У 1927—1929 гг. — інструктар Цэнтральнай кантрольнай камісіі УКП(б).

У 1929—1934 гг. — сакратар парткама Паўночна-Каўказскай рэгіянальнай кантрольнай камісіі УКП(б).

Да чэрвеня 1937 года — адказны сакратар партыйнай калегіі Камісіі партыйнага кантролю пры ЦК УКП(б) у Яраслаўскай вобласці.

16 чэрвеня 1937 года арыштаваны органамі НКУС. Ваеннай калегіяй Вярхоўнага суда СССР 21 жніўня 1937 года прысуджаны да вышэйшай меры пакарання і ў той жа дзень расстраляны. Пахаваны на Данскіх могілках у Маскве.

23 мая 1956 года быў пасмяротна рэабілітаваны.

Узнагароды

• Ордэн Чырвонага Сцяга

Літаратура

• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 455. — 10 000 экз. — ISBN 985-11-0035-8. — ISBN 985-11-0090-0 (т. 5).

Спасылкі

• Грузель Вацлаў Пятровіч (руск.)
• Грузель Вацлаў Пятровіч (руск.)