Валерый Іванавіч Мурах

Валерый Іванавіч Мурах (нар. 1939) — беларускі вучоны ў галіне санітарнай гігіены, гігіены харчавання, празаік . Доктар медыцынскіх навук (1990), прафесар (1991). Член-карэспандэнт Беларускай Акадэміі медыцынскіх навук, Расійскай Акадэміі прыродазнаўчых навук^[2].

Валерый Іванавіч Мурах
Дата нараджэння	14 лютага 1939(1939-02-14) (85 гадоў)
Месца нараджэння	Менск, Менская вобласць, БССР, СССР
Грамадзянства	СССР  Беларусь
Род дзейнасці	урач, галоўны санітарны ўрач, гігіеніст, выкладчык універсітэта, загадчык лабараторыі
Навуковая сфера	гігіена харчавання[d]
Месца працы	ІПКіПКАЗ Рэспубліканскі навукова-практычны цэнтр па экспертнай адзнацы якасці і бяспекі прадуктаў харчавання[d]
Навуковая ступень	доктар медыцынскіх навук[1] (1990)
Навуковае званне	прафесар (1991)
Альма-матар	Данецкі нацыянальны медыцынскі ўніверсітэт[d] (1966)

Біяграфія

Нарадзіўся ў Мінску. Скончыў у 1966 годзе санітарна-гігіенічны факультэт Данецкага медыцынскага інстытута. Працаваў фельчарам, памочнікам санітарнага ўрача Кастрычніцкай раённай СЭС горада Мінска з 1958 па 1960 гады. З 1966 па 1967 гады загадваў аддзяленнем гігіены харчавання Фрунзенскай раённай СЭС Мінска^[3].

З 1967 года да 1970 года — галоўны ўрач Мінскай гарадской СЭС. Санітарны ўрач Мінскай чыгуначнай СЭС з 1970 па 1971 гады. У 1971—1984 гадах старшы навуковы супрацоўнік, у 1984—1985 гадах загадчык лабараторыі аховы навакольнага асяроддзя БелНДІП горадабудаўніцтва^[3].

У 1968 годзе прысуджана вучоная ступень кандыдата медыцынскіх навук. З 1985 года да 1990 года старшы выкладчык кафедры агульнай гігіены БелДІУУ, з 1990 па 2004 гады прафесар гэтай жа кафедры. З 1990 года да 2003 года дырэктар Рэспубліканскага навукова-практычнага цэнтра па экспертнай ацэнцы якасці і бяспекі прадуктаў харчавання МЗ РБ^[3].

З 1993 года да 2003 года галоўны спецыяліст па праблемах харчавання МЗ РБ. Асноўныя напрамкі навуковых работ ахопліваюць праблемы гігіены харчавання з аспектамі аховы навакольнага асяроддзя^[3].

Навуковая і літаратурная дзейнасць

Аўтар арыгінальных распрацовак па ўзбагачэнні прадуктаў харчавання біялагічна актыўнымі рэчывамі, апублікаваў больш за 150 навуковых прац, у тым ліку 6 манаграфій, 14 вучэбна-метадычных дапаможнікаў^[3]. Навуковыя працы па пытаннях гігіены харчавання^[2].

Аўтар кнігі ўспамінаў пра Якава Андрэевіча Ішчука — савецкага разведчыка^[2].

Зноскі

1. http://unicat.nlb.by/opac/pls/dict.prn_ref?tu=r&tq=v0&name_view=va_aall&a001=BY-SEK-151613&strq=l_siz=20
2. Мурох, Валерий Иванович (доктор медицинских наук; род. 1939) (руск.)
3. Мурох Валерий Иванович Архівавана 21 лістапада 2022. (руск.)

Літаратура

• Руководители санитарно-эпидемиологической службы Республики Беларусь. ― Минск, 2001. (1БА252988)
• Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 31. — 10 000 экз. — ISBN 985-11-0035-8. — ISBN 985-11-0188-5 (т. 11).