Бердаўка (Лідскі раён)

У паняцця ёсць і іншыя значэнні, гл. Бердаўка.

Бе́рдаўка^[1] (трансліт.: Bierdaŭka, руск.: Бердовка) — аграгарадок у Лідскім раёне Гродзенскай вобласці. Уваходзіць у склад Дубровенскага сельсавета.

Аграгарадок Бердаўка Краіна Беларусь Вобласць Гродзенская Раён Лідскі Сельсавет Дубровенскі Каардынаты 53°55′13″ пн. ш. 25°30′42″ у. д.HGЯO Насельніцтва ▼574 чал. (2019) Часавы пояс UTC+3 Тэлефонны код +375 1561 Аўтамабільны код 4 СААТА 4236813016 Бердаўка на карце Беларусі ±

Бердаўка на Вікісховішчы

Геаграфія

За 16 км на усход ад Ліды, 126 км ад Гродна. 681 жыхар, 225 двароў (1995). Сярэдняя школа, Дом культуры, бібліятэка, амбулаторыя, камбінат бытавога абслугоўвання, аддзяленне сувязі.

Гісторыя

Вёска Бердаўка ўпершыню згадваецца ў прывілеі Жыгімонта Старога ў 1527 годзе. Тады яна стала ўладаннем аднаго з сыноў маршалка Юрыя Ільініча. У 1542 годзе землеўладальніца Лідскага павета Ганна Грышкоўна Хілімонавая запісала Ганне Сакураўне Шункавай трэцюю частку свайго маёнтка Бердаўка: двор з усімі землямі, якія да яго належаць. У XVI стагоддзі вёска — гэта радавое гняздо шляхцічаў Бердаўскіх. А пасля паўстання 1863 года рускі цар Аляксандр II аддаў землі Аляксандру Дамбавецкаму. Той, захоплены маляўнічымі месцамі краю, пабудаваў у Бердаўцы сабе сядзібу (будаўніцтва завяршылася ў 1870-х гадах)^[2].

У 1940—2023 гадах цэнтр Бердаўскага сельсавета^[3].

Славутасці

• Сядзібна-паркавы комплекс Захватовічаў.
• Касцёл Святой Тройцы.
• Брацкая магіла савецкіх воінаў і партызанаў.

Зноскі

1. Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).
2. lidanews.by
3. Решение Гродненского областного Совета депутатов от 21 февраля 2023 г. № 497 Об изменении административно-территориального устройства Лидского района Гродненской области

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).
• Лаўрэш Леанід. Бердаўка // Лідскі Летапісец. 2020. № 2(90). С. 20-30 // на pawet.net

Спасылкі

• На Вікісховішчы ёсць медыяфайлы па тэме Бердаўка (Лідскі раён)