Беластоцкі абласны камітэт КП(б)Б

Беласто́цкі абласны́ камітэ́т Камуністы́чнай па́ртыі Белару́сі — орган кіравання Беластоцкай абласной партыйнай арганізацыяй КП Беларусі (1939—1944 гады).

Гісторыя

Беластоцкая вобласць утворана 4 снежня 1939 года на тэрыторыі дзевяці паветаў былога Беластоцкага ваяводства Польшчы, далучанага да СССР у верасні 1939 года. Цэнтр — горад Беласток.

Пасля Вялікай Айчыннай вайны ў 1944 годзе вобласць была ліквідаваная, частка яе раёнаў ўвайшла ў склад Польшчы, а астатнія ў склад Гродзенскай вобласці.

Першыя сакратары абкама

• Сямён Сцяпанавіч Ігаеў (29 лістапада 1939 — кастрычнік 1940)
• Мікалай Васілевіч Кісялёў (кастрычнік 1940 — студзень 1941)
• Уладзімір Георгіевіч Кудраеў (студзень 1941 — 20 ліпеня 1944)
• Андрэй Пятровіч Эльман (20 ліпеня 1944 — верасень 1944)

Другія сакратары

• Андрэй Пятровіч Эльман (29 лістапада 1939 — 1940)
• Самуіл Сямёнавіч Касцюк (1940 — сакавік 1941)
• Піліп Іосіфавіч Папоў (сакавік 1941 — ?)
• Мікалай Іванавіч Радзіцелеў (20 ліпеня 1944 — верасень 1944)

Літаратура

• Центральный комитет КПСС, ВКП(б), РКП(б), РСДРП(б): Историко-биографический справочник / Сост. Ю. В. Горячев. М., 2005.