Бацэвіцкі сельсавет

Бацэ́віцкі сельсавет — адміністрацыйна-тэрытарыяльная адзінка ў складзе Клічаўскага раёна Магілёўскай вобласці Беларусі. Цэнтр — аграгарадок (да 2010 года вёска) Бацэвічы.

Бацэвіцкі сельсавет
Краіна	Беларусь
Уваходзіць у	Клічаўскі раён
Уключае	20 населеных пунктаў
Адміністрацыйны цэнтр	Бацэвічы
Дата ўтварэння	20 жніўня 1924
Насельніцтва (2019)	1 460
Часавы пояс	UTC+03:00
Тэлефонны код	+375 2236
Код аўтам. нумароў	6
Афіцыйны сайт

Гісторыя

Утвораны 20 жніўня 1924 года ў складзе Клічаўскага раёна Бабруйскай акругі БССР. Пасля скасавання акруговай сістэмы 26 ліпеня 1930 года ў Клічаўскім раёне БССР. З 20 лютага 1938 года ў складзе Магілёўскай вобласці, з 20 верасня 1944 года — Бабруйскай вобласці, з 8 студзеня 1954 года — Магілёўскай вобласці. 16 ліпеня 1954 года да сельсавета далучана тэрыторыя скасаваных Запольскага і Усохскага сельсаветаў, у склад Любоніцкага сельсавета Кіраўскага раёна перададзена вёска Ігнацоўка^[1]. З 25 снежня 1962 года сельсавет у складзе Кіраўскага раёна, з 6 студзеня 1965 года — у складзе адноўленага Клічаўскага раёна. У 1977 годзе скасаваны хутар Макаўе^[2], 23 снежня 2021 года — хутар Сотнае^[3].

Насельніцтва

Насельніцтва сельсавета паводле перапісу 2009 года — 1791 чалавек^[4], з іх 94,6 % — беларусы, 4,2 % — рускія, 0,7 % — украінцы^[5]; паводле перапісу 2019 года — 1460 чалавек^[6].

Склад

У склад сельсавета ўваходзяць 20 населеных пунктаў (2009 г., 2019 г.):

Назва	Статус	Плошча[7], га	2007	2009	2019
Асавы	вёска	38,28	26	22	6
Бацэвічы	аграгарадок	227,28	788	730	643
Бярозаўка	вёска	21,66	20	20	16
Ворліна	вёска	44,08	93	74	48
Вялікая Старына	вёска	11,42	13	9	7
Дуброва	вёска	29,28	48	32	12
Заполле	аграгарадок	136,9	559	527	509
Красны Бераг	вёска	1,81	3	—	2
Любічы	вёска	25,47	24	18	9
Люціна	вёска	27,24	37	22	8
Малая Вольса	вёска	50,32	84	66	39
Міхалоўка	вёска	5,69	9	7	7
Новы Спор	вёска	13,81	9	6	—
Пабеда	вёска	21,32	6	6	5
Пад’яблынька	вёска	6,01	3	2	—
Стары Спор	вёска	6,19	3	7	1
Усохі	вёска	107,36	240	204	133
Чырвоная Ніва	вёска	13,36	10	11	2
Юзафін	вёска	24,86	28	23	12
Якімава Ляда	вёска	2,73	7	5	1

Скасаваныя населеныя пункты на тэрыторыі сельсавета:

• Сотнае — хутар.

Вядомыя асобы

• Іван Вітальевіч Гушчын (1934—1938) — доктар юрыдычных навук (1988), прафесар, нарадзіўся ў вёсцы Стары Спор.
• Аркадзь Антонавіч Смоліч (1891—1938) — дзеяч беларускага нацыянальна-дзяржаўнага адраджэння, вучоны ў галіне эканомікі, сельскай гаспадаркі, картаграфіі, геаграфіі, прафесар (1927), нарадзіўся ў вёсцы Бацэвічы.

Зноскі

1. Указ Президиума Верховного Совета БССР от 16 июля 1954 г. Об объединении сельских советов Могилевской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. Рашэнні выканкома Магілёўскага абласнога Савета народных дэпутатаў ад 18 кастрычніка і 22 лістапада 1977 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1978, № 3 (1557).
3. Решение Кличевского районного Совета депутатов от 23 декабря 2011 г. № 18-10 Об упразднении некоторых сельских населенных пунктов Кличевского района Могилевской области
4. Насельніцтва населеных пунктаў Магілёўскай вобласці Беларусі паводле перапісу 2009 года
5. Этнічны склад насельніцтва сельсаветаў Беларусі паводле перапісу 2009 года
6. Насельніцтва населеных пунктаў Магілёўскай вобласці Беларусі паводле перапісу 2019 года
7. http://pravo.by/upload/docs/op/D916m0077605_1468962000.pdf(недаступная+спасылка)