Барыс Алегавіч Панкратаў

У Вікіпедыі ёсць артыкулы пра іншых людзей з прозвішчам Панкратаў.

Барыс Панкратаў (нар. 30 снежня 1982, Магілёў) — беларускі футбаліст (брамнік) і трэнер. У цяперашні час працуе трэнерам брамнікаў у барысаўскім БАТЭ-2.

Барыс Панкратаў
Поўнае імя	Барыс Алегавіч Панкратаў
Нарадзіўся	30 снежня 1982(1982-12-30)[1] (41 год) Магілёў, Магілёўская вобласць, БССР, СССР
Грамадзянства	Беларусь
Рост	190 см
Вага	83 кг[2]
Пазіцыя	брамнік
Інфармацыя пра клуб
Клуб	БАТЭ-2
Пасада	трэнер брамнікаў
Клубная кар’ера[* 1]
1999 Дняпро-2 (Магілёў) 13 (-24) 2001—2004 Спартак-ВАР (Шклоў) 92 (-93) 2005—2007 БАТЭ (Барысаў) 20 (-18) 2008—2009 Дынама (Мінск) 14 (-14) 2009 →  Граніт (Мікашэвічы) 9 (-11) 2010—2011 Дняпро (Магілёў) 26 (-37) 2012 Нёман (Гродна) 1 (-4) 2013—2014 Дняпро (Магілёў) 31 (-37) 2015—2016 Белшына (Бабруйск) 46 (-47) 2017—2020 Слуцк 79 (-114) 2021 Іслач (Мінскі раён) 12 (-17) 2022—2023 Слуцк 6 (-11)
Трэнерская кар’ера
2024— БАТЭ-2 (Барысаў) брамнікі
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 красавіка 2024.

Клубная кар’ера

Пачаў кар’еру ў Магілёве. Гуляў у барысаўскім БАТЭ, мінскім «Дынама», магілёўскім «Дняпры». Пасля вылету магіляўчан з Вышэйшай лігі ў студзені 2012 года перайшоў у гродзенскі «Нёман», дзе стаў другім брамнікам пасля Сяргея Чэрніка.

У студзені 2013 года вярнуўся ў «Дняпро»^[3] і стаў другім брамнікам пасля Артура Каценкі, але нярэдка з’яўляўся і ў стартавым складзе. У сезоне 2014, пасля зыходу з каманды Каценкі, стаў асноўным брамнікам. У сакавіку 2014 года стаў капітанам каманды^[4]. У ліпені 2014 года атрымаў траўму, з-за якой некаторы час не гуляў. Пасля вяртання стаў чаргавацца ў браме з Уладзімірам Журавым.

Па выніках сезона 2014 «Дняпро» страціў месца ў Вышэйшай лізе, і Панкратаў разарваў з ім кантракт^[5]. У студзені 2015 года апынуўся на праглядзе ў «Белшыне»^[6] і ў выніку пачаў сезон 2015 у бабруйскім клубе. Здолеў стаць асноўным брамнікам бабруйчан, дапамог ім заняць высокае чацвёртае месца ў чэмпіянаце, прапусціўшы ў 26 матчах усяго 16 галоў. У маі-чэрвені Панкратаў, не прапускаючы ў пяці матчах запар, выдаў «сухую» серыю з 537 хвілін, якая стала адной з найдаўжэйшых у чэмпіянаце.

У першай палове сезона 2016 Панкратаў быў другім брамнікам пасля Антона Амельчанкі. Улетку 2016 года, калі большасць ігракоў пакінула «Белшыну», застаўся ў клубе ў якасці асноўнага брамніка і стаў капітанам каманды, але не здолеў яе выратаваць ад вылету ў Першую лігу.

У студзені 2017 года далучыўся да «Слуцка», з якім у лютым падпісаў кантракт^[7]. Пачынаў сезон 2017 у якасці асноўнага брамніка случан, але пазней з-за траўм стаў радзей з’яўляцца на полі. У снежні 2017 года падоўжыў кантракт са «Слуцкам»^[8]. У сезоне 2018 трывала гуляў у стартавым складзе каманды. У снежні 2018 года падпісаў новае пагадненне са случанамі^[9]. Сезон 2019 пачынаў у стартавым складзе, у маі не гуляў з-за траўмы, пазней вярнуў месца ў аснове, але часам стаў заставацца на лаўцы запасных. У снежні 2019 года падоўжыў кантракт са «Слуцкам»^[10]. У 2020 годзе быў асноўным брамнікам, прапусціў толькі канец сезона.

У студзені 2021 года па заканчэнні кантракта пакінуў «Слуцк»^[11] і неўзабаве стаў іграком «Іслачы»^[12], дзе чаргаваўся ў складзе з Уладзіславам Васілючкам. У студзені 2022 года, пакінуўшы «Іслач» па заканчэнні кантракта, вярнуўся ў «Слуцк»^[13]. У 2022 годзе не гуляў з-за траўмы, сезон 2023 пачаў рэзервовым брамнікам, у другой палове сезона стаў часам выхадзіць на поле. У студзені 2024 года па заканчэнні кантракта пакінуў «Слуцк»^[14] і завяршыў прафесійную кар’еру^[15].

Трэнерская кар’ера

У красавіку 2024 года быў заяўлены як гуляючы трэнер брамнікаў за барысаўскі БАТЭ-2^[16].

Дасягненні

• 01 Чэмпіён Беларусі (2): 2006, 2007
• 02 Срэбраны прызёр чэмпіянату Беларусі: 2008
• Уладальнік Кубка Беларусі: 2006

Статыстыка выступленняў

Сезон	Дывізіён	Клуб	Краіна	Матчы	Галы
1999	Д3	Дняпро-2		13	−24
2001	Д3	Спартак-ВАР-Дняпро		24	−24
2002	Д3	Спартак-ВАР-Дняпро		18	−13
2003	Д3	Спартак-ВАР		28	−35
2004	Д3	Спартак-ВАР		22	−21
2005	Д1	БАТЭ		5	−3
2006	Д1	БАТЭ		7	−8
2007	Д1	БАТЭ		8	−7
2008	Д1	Дынама		14	−14
2009 (1)	Д1	Граніт		9	−11
2010	дубль	Дняпро		25	−11
2011	Д1	Дняпро		26	−37
2012	Д1	Нёман		1	−4
2013	Д1	Дняпро		10	−9
2014	Д1	Дняпро		21	−28
2015	Д1	Белшына		26	−16
2016	Д1	Белшына		20	−31
2017	Д1	Слуцк		16	−17
2018	Д1	Слуцк		25	−30
2019	Д1	Слуцк		18	−28
2020	Д1	Слуцк		20	−39
2021	Д1	Іслач		12	−17
2022	Д1	Слуцк		0	0
2023	Д1	Слуцк		6	−11

Крыніцы

1. Boris Pankratov // Transfermarkt — 2000. Праверана 9 кастрычніка 2017.

   <a href='https://wikidata.org/wiki/Track:Q2449070'></a>
2. http://sfc-slutsk.by/person/120
3. Футбол. Борис Панкратов и Александр Былина перешли в могилевский "Днепр" (руск.)(недаступная спасылка). pressball.by (14 студзеня 2013). Архівавана з першакрыніцы 13 студзеня 2013.
4. Панкратов будет капитаном «Днепра» в новом сезоне (руск.). by.tribuna.com.
5. 1-я лига. Есть кто смелый? (руск.)(недаступная спасылка). pressball.by (4 лютага 2015). Архівавана з першакрыніцы 5 лютага 2015.
6. Футбол. Борис Панкратов и Олег Карамушка находятся на просмотре в "Белшине" (руск.)(недаступная спасылка). pressball.by (31 студзеня 2015). Архівавана з першакрыніцы 13 сакавіка 2022.
7. Борис Панкратов подписал контракт со "Слуцком" (руск.). football.by (2 лютага 2017). Праверана 1 лютага 2024.
8. "Слуцк" продлил контракты с шестью футболистами и расстался с Дударем (руск.). football.by (4 снежня 2017). Праверана 1 лютага 2024.
9. Бобко, Кибук и Панкратов продлили контракты со "Слуцком" (руск.). football.by (6 снежня 2018). Праверана 1 лютага 2024.
10. "Слуцк" продлил контракты с двумя вратарями (руск.). football.by (29 снежня 2019). Праверана 1 лютага 2024.
11. Борис Панкратов покинул "Слуцк" (руск.). football.by (20 студзеня 2021). Праверана 1 лютага 2024.
12. Борис Панкратов подписал контракт с "Ислочью" (руск.). football.by (25 студзеня 2021). Праверана 1 лютага 2024.
13. Борис Панкратов вернулся в "Слуцк" (руск.). football.by (20 студзеня 2022). Праверана 1 лютага 2024.
14. "Слуцк" объявил о расставании с Глебко, Панкратовым и Гречишко (руск.). football.by (4 студзеня 2024). Праверана 1 лютага 2024.
15. 41-летний вратарь "Слуцка" Борис Панкратов завершил игровую карьеру (руск.). football.by (31 студзеня 2024). Праверана 1 лютага 2024.
16. Борис Панкратов заявлен за БАТЭ (руск.). bel.football (5 красавіка 2024). Праверана 9 красавіка 2024.