Ацячызненскі дуб-волат

Ацячызненскі дуб-волат — батанічны помнік прыроды рэспубліканскага значэння ў Жабінкаўскім раёне Брэсцкай вобласці. Знаходзіцца на адкрытым месцы ў старадаўнім парку Ацячызна, размешчаным у паўночна-заходнім кірунку ад аграгарадка Ленінскі, за 300 метраў ад аўтамагістралі М1/E30 (Брэст-Мінск-мяжа Расійскай Федэрацыі) і за 9 метраў ад бетоннага плота спіртзавода^[1]. Узрост дрэва 400—410 гадоў, вышыня 33 м, дыяметр 2,64 м^[2]. Ахоўны статус нададзены ў 1968 годзе^[3].

Разламаны ствол дрэва

Ацячызненскі дуб-волат
Сучасны стан
Катэгорыя МСАП — III (Помнік прыроды)
Размяшчэнне	Беларусь, на паўночны захад ад а. Ленінскі, Жабінкаўскі раён, Брэсцкая вобласць
Дата заснавання	1968
Ацячызненскі дуб-волат
Ацячызненскі дуб-волат

Найстарэйшы дуб у Беларусі^[2]. Дрэва хварэе на рак і сасудзісты мікоз, мае ствалавую і каранёвую гнілату. У ліпені 2015 года пад націскам ветру большая частка дуба абрынулася^[2].

Зноскі

1. Помнікі прыроды рэспубліканскага значэння Брэсцкай вобласці Архівавана 22 лістапада 2017.
2. В Жабинковском районе под напором ветра погиб 400-летний дуб-великан Архівавана 25 студзеня 2016.
3. Сувораўскія дубы // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.

Літаратура

• Сувораўскія дубы // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.

Спасылкі

• Ацячызненскі дуб-волат на сайце Глобус Беларусі (руск.)