Ахоцкае мора

Ахоцкае мора — мора сістэмы Ціхага акіяна, знаходзіцца паміж кантынентальнай Азіяй, Курыльскімі астравамі, Сахалінам і Хакайда.

Глыбіні Ахоцкага мора

Пляж на беразе Ахоцкага мора

Мора злучаецца з Японскім пралівамi Татарскі і Лаперуза, з Ціхім акіянам — шматлікімі пралівамі паміж астравамі Курыл.

Плошча — 1,603 млн км². Глыбіня — да 3521 м.

На ўзбярэжжы мора знаходзяцца гарады Карсакаў, Магадан, Севера-Курыльск (Расія), Ваканай (Японія).

Тэрытарыяльны рэжым

Ахоцкае мора, хоць і аточана практычна з усіх бакоў тэрыторыяй Расійскай Федэрацыі, яе унутраным морам не з’яўляецца; яго акваторыю складаюць унутраныя марскія воды, тэрытарыяльнае мора і выключная эканамічная зона. У цэнтральнай частцы мора маецца выцягнуты ў мерыдыянальным напрамку ўчастак, у англамоўнай літаратуры традыцыйна названы Peanut Hole, які не ўваходзіць у выключную эканамічную зону Расіі і юрыдычна з’яўляецца адкрытым морам, у прыватнасці, кожная краіна свету мае тут права ажыццяўляць лоўлю рыбы і весці іншую дазволеную канвенцыяй ААН па марскім праве дзейнасць. Паколькі гэты рэгіён з’яўляецца важным элементам для ўзнаўлення папуляцыі некаторых відаў прамысловых рыб, урады некаторых краін прама забараняюць сваім суднам весці промысел на гэтым участку мора.

Астравы

• Востраў Іоны
• Востраў Кякурны

Літаратура

• Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).