Арэст Іванавіч Лявіцкі

From Wikipedia, the free encyclopedia

Арэст Іванавіч Лявіцкі
У Вікіпедыі ёсць артыкулы пра іншых людзей з прозвішчам Лявіцкі.

Арэст Іванавіч Лявіцкі (13 (25) снежня 1848, Maiachka[d], Кабяляцкі павет[d], Палтаўская губерня, Расійская імперыя — 9 мая 1922(1922-05-09), Драбіў, Залатаношскі павет[d], Палтаўская губерня, УССР) — украінскі гісторык, этнограф, пісьменнік. Акадэмік Украінскай акадэміі навук (1918).

Хуткія факты Арэст Іванавіч Лявіцкі, Дата нараджэння ...
Арэст Іванавіч Лявіцкі
Thumb
Дата нараджэння 13 (25) снежня 1848
Месца нараджэння
Дата смерці 9 мая 1922(1922-05-09) (73 гады)
Месца смерці
Род дзейнасці гісторык
Месца працы
Альма-матар
Член у
 Медыяфайлы на Вікісховішчы
Закрыць

Біяграфія

Нарадзіўся у сям’і святара. У 1857—1859 вучыўся ў прыватнай пачатковай школе, у 1859—69 — у Палтаўскім духоўным вучылішчы і семінарыі. Потым год адпрацаваў у вёсцы хатнім выхавальнікам. У 1870 г. паступіў на юрыдычны факультэт Кіеўскага ўніверсітэта, неўзабаве пераведзены на гісторыка-філалагічны факультэт. Яго гістарычныя погляды фарміраваліся пад уплывам народніцкіх ідэй. Навуковую дзейнасць пачаў у студэнцкія гады пад кіраўніцтвам У. Антановіча. Скончыў універсітэт у 1874 годзе. Першым даследаваннем стала дыпломная праца «Нарыс унутранай гісторыі Маларосіі другой паловы XVII ст.». З 1874 да 1921 займаў пасаду адказнага сакратара Часовай камісіі для разбору старажытных актаў у Кіеве, быў яе першым гістарыёграфам. Адначасова працаваў (да 1906, паводле іншых звестак — 1909) настаўнікам рускаймовы і пісьменства ў 4-мй Кіеўскай гімназіі і настаўнікам геаграфіі ў музычным вучылішчы (1876—77), a таксама памочнікам загадчыка Цэнтральнага архіва у Кіеве (1879—1887). У 1896 узнагароджаны ордэнам Святога Уладзіміра.

Быў членам Кіеўскай грамады, сапраўдны член-супрацоўнік Паўднёва-Заходняга аддзела Рускага геаграфічнага таварыства (з 1876), правадзейны член (з 1878), член савета (1885—1902), намеснік галавы (1902—1905) гістарычнага таварыства Нестара Летапісца, сапраўдны член Кіеўскага юрыдычнага таварыства (аддзел звычаёвага права; з 1881) і Навуковага таварыства імя Шаўчэнкі ў Львове (з 1911), член Украінскага навуковага таварыства ў Кіеве (1907—1914), ганаровы член Палтаўскай губернскай вучонай архіўнай камісіі (з 1906) і Палтаўскага царкоўна-гісторыка-археалагічнага камітэта (з 1906).

Пасля рэвалюцыйных падзей 1917 года ўзначальваў грамадскія і дзяржаўныя камісіі па пытаннях украінскай юрыдычнай тэрміналогіі.

З 1918 г. член Камітэта аховы помнікаў гісторыі і мастацтва.

У лістападзе 1918 быў залічаны да ліку першых заснавальнікаў (акадэмікаў) Украінскай Акадэміі навук. У акадэміі ён займаў кафедру звычаёвага права Украіны. Быў сакратаром (з 1918), старшынёй (з 1920) сацыяльна-эканамічнага аддзелу. Узначальваў Камісію ВУАН для вывучэння звычаёвага права Украіны, а таксама Юрыдычна-тэрміналагічную камісію. Уваходзіў у склад камітэта па вывучэнню гісторыі заходнерускага і украінскага права.

Са снежня 1919 — в.а. прэзідэнта Украінскай акадэміі навук.

З 1921 — кіраўнік правазнаўчага таварыства пры Акадэміі.

У сакавіку 1922 стаў прэзідэнтам Усеўкраінскай акадэміі навук.

Науковая дзейнасць

Усяго А. І. Лявіцкім напісана больш за 200 навуковых прац па праве і гісторыі Украіны 16—19 ст. Навуковымі інтарэсамі былі: сямейнае права, звычаёвае права, побыт, сямейныя адносіны, прававое становішча ўкраінскіх жанчыны ў 16—17 ст., гісторыя украінскай царквы, сялянства і судаводства. Значную ўвагу надаваў становішчу сялян і шэраговых казакоў, іх эксплуатацыі казацкай старшыною, а таксама нацыянальнаму, гаспадарчаму і рэлігійнаму прыгнёту ўкраінскага народа на Правабярэжнай Украіне ў 2-й палове 17-18 ст.

Працаваў у галіне археаграфіі. Падрыхтаваў навуковае выданне летапісаў, гістарычных прац, афіцыйных матэрыялаў «Архива Юго-Западной России», пісаў да іх уступныя артыкулы, тэкставыя заўвагі і навуковыя каментарыі (у прыватнасці, у 1909 выдаў зборнік актаў па сямейнаму праву і сямейнаму побыту, дадаўшы да яго свой нарыс аб асаблівасцях сямейнага жыцця ў Паўднёва-Заходняй Русі ў 16—17 ст.).

Асноўныя працы

Крыніцы

Літаратура

Loading related searches...

Wikiwand - on

Seamless Wikipedia browsing. On steroids.