Антыб

Антыб (фр.: Antibes, акс.: Antíbol) — курортны горад на Лазурным Беразе, дэпартамент Прыморскія Альпы, рэгіён Праванс — Альпы — Лазурны Бераг, Францыя. Насельніцтва — 75 456 жыхароў (2013). Размешчаны на мысе Гаруп Міжземнага мора паміж Канамі і Ніцай. У Антыбе найвялікшы (паводле сумарнага танажу) яхтавы порт на Лазурным Беразе. Пабудаваны ён у шасцідзясятыя гады XX стагоддзя на месцы рымскай гавані. Насамрэч гэта не адзін, а цэлых пяць партоў — Вабан, Галіс, Крутон, Аліўет, Саліс. Разам з мысам Антыб (фр.: Cap d'Antibes) і мястэчкам Жуан-ле-Пен (фр.: Juan-les-Pins) складае адзіную адміністрацыйную адзінку.

Горад Антыб фр.: Antibes Герб Сцяг[d] Краіна  Францыя Рэгіён Праванс — Альпы — Лазурны Бераг Дэпартамент Прыморскія Альпы Каардынаты 43°34′48″ пн. ш. 7°07′23″ у. д.HGЯO Кіраўнік Jean Leonetti[d] Плошча 26,48 км²[1] Вышыня цэнтра 0 м[2] і 163 м[2] Водныя аб’екты Brague[d] Насельніцтва ▲76 612 чал. (1 студзеня 2022)[3] Часавы пояс UTC+1 і UTC+2 Паштовыя індэксы 06160[4] і 06600[4] Афіцыйны сайт antibes-juanlespins.com (фр.) Антыб на карце Францыі

Медыяфайлы на Вікісховішчы

Гісторыя

У VI стагоддзі да нашай эры грэчаскія мараплаўцы выявілі ўтульную бухту і заснавалі на яе берагах горад Антыполіс (горад, размешчаны наадварот). Мелася на ўвазе — наадварот, праз бухту, ад Нікеі (Ніцы). Антыполіс быў заснаваны як калонія Масаліі (цяперашні Марсель). У часы Рымскай імперыі горад з’яўляўся важным пунктам на шляху з Рыма ў Галію. Ён доўгі час быў адзіным умацаваным горадам на ўзбярэжжы ад Марселя да Італіі.

У II стагоддзі ў горадзе была заснаваная біскупская кафедра і ён стаў называцца Антыгуль, а з часам — Антыб. У Сярэдневякоўе горад належаў Савоі, а з 1481 года — Францыі.

Эканоміка і транспарт

У Антыбе швартуюцца самыя выкшталцоныя яхты з тых, што падыходзяць да Лазурнага Берага. Уладальнікі іх не схільныя афішаваць сябе і сваю ўласнасць.

У Антыбе існуе парфумерная вытворчасць. У горадзе захаваліся рэшткі рыбаперапрацоўчай прамысловасці, але яна значна скарацілася. У горадзе ёсць чыгуначны вакзал.

Крыніцы

1. база даных аб французскіх камунах — Institut national de l'information géographique et forestière. Праверана 26 кастрычніка 2015.

   <a href='https://wikidata.org/wiki/Track:Q1665102'></a><a href='https://wikidata.org/wiki/Track:Q20894925'></a>
2. база даных аб французскіх камунах — Institut national de l'information géographique et forestière, 2015.

   <a href='https://wikidata.org/wiki/Track:Q1665102'></a><a href='https://wikidata.org/wiki/Track:Q20894925'></a>
3. Populations de référence 2022 — INSEE, 2024.

   <a href='https://wikidata.org/wiki/Track:Q156616'></a><a href='https://wikidata.org/wiki/Track:Q131560738'></a>
4. Base officielle des codes postaux — La Poste, 2018.

   <a href='https://wikidata.org/wiki/Track:Q66049091'></a><a href='https://wikidata.org/wiki/Track:Q373724'></a>

Спасылкі

• На Вікісховішчы ёсць медыяфайлы па тэме Антыб