Аляксандр Мікалаевіч Сурмач

У Вікіпедыі ёсць артыкулы пра іншых людзей з прозвішчам Сурмач.

Аляксандр Мікалаевіч Су́рмач^[2] (8 лістапада 1941 — 28 лістапада 1985) — беларускі савецкі мастак дэкаратыўна-прыкладнога мастацтва.

Аляксандр Мікалаевіч Сурмач
Дата нараджэння	8 лістапада 1941(1941-11-08)
Месца нараджэння	Візна, Ядвабнаўскі раён, Беластоцкая вобласць, БССР, СССР[1]
Дата смерці	28 лістапада 1985(1985-11-28) (44 гады)
Грамадзянства	СССР
Род дзейнасці	мастак
Месца працы	Барысаўскі камбінат прыкладнога мастацтва[d]
Жанр	дэкаратыўна-прыкладное мастацтва
Вучоба	Беларускі дзяржаўны тэатральна-мастацкі інстытут (1972)

Біяграфія

Нарадзіўся ў вёсцы Візна (Падляскае ваяводства). У 1972 годзе скончыў Беларускі тэатральна-мастацкі інстытут. З 1972 года працаваў на Барысаўскім камбінаце прыкладнога мастацтва.

Творчасць

Працаваў у галіне мастацкай керамікі, пераважна ў шамоце. Дасягаў пластычнай выразнасці кампазіцый, мастацкай завершанасці праз падкрэскліванне асаблівасцей матэрыяла, спалучэнне традыцыйных форм і аўтарскай канцэпцыі^[2].

Стварыў камплект дэкаратыўных ваз і ваз-кашпо для адміністрацыйнага будынка вытворчага аб’яднання «Магілёўхімвалакно» ў Магілёве (1976), дэкаратыўную кампазірцыю «Поры года» і керамічную агароджу Палаца культуры ў Беразіно (1978), камплект дэкаратыўнага посуду для рэстарана гасцініцы «Гродна» ў горадзе Гродна (1979), рэльеф «Музы́ка» для Палаца культуры тэксцільшчыкаў у Мінску (1984). Аўтар пластоў «Вечар на Бярэзіне» (1982), «Салют Перамогі» (1985), дэкаратыўных скульптур «Песняры» (1984), «Усе на футбол» (1985), фантана «Дожджык» у аграгарадку Верцялішкі Гродзенскага раёна (1973).

Зноскі

1. Беларуская энцыклапедыя: У 18 т. Т. 15: Следавікі — Трыо — Мн.: Беларуская Энцыклапедыя імя Петруся Броўкі, 2002. — С. 281. — 552 с. — ISBN 985-11-0251-2

   <a href='https://wikidata.org/wiki/Track:Q13028710'></a><a href='https://wikidata.org/wiki/Track:Q24038862'></a><a href='https://wikidata.org/wiki/Track:Q14271902'></a>
2. БелЭн 2002.

Літаратура

• Салавей Л. Ф. Су́рмач Аляксандр Мікалаевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 281. — 10 000 экз. — ISBN 985-11-0035-8. — ISBN 985-11-0251-2 (т. 15).
• Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ, 1987. — Т. 5. Скамарохі — Яшчур. — С. 195. — 703 с. — 10 000 экз.
• Сурмач Аляксандр Мікалаевіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — С. 515. — 663 с. — 3 000 экз. — ISBN 985-6427-09-6.

Спасылкі

• Сурмач Аляксандр Мікалаевіч на сайце анлайн-энцыклапедыі «Беларусь у асобах і падзеях»