Альфонс Ільіч Тышкевіч

У Вікіпедыі ёсць артыкулы пра іншых людзей з прозвішчам Тышкевіч.

Альфо́нс Ільі́ч Тышке́віч (нар. 5 ліпеня 1938 г., в. Ліпкі Смалявіцкага раёна Мінскай вобласці) — беларускі дзяржаўны дзеяч, старшыня Мінскага аблвыканкаму (1986—1994), дэпутат Вярхоўнага Савета БССР 9, 11 і 12-га скліканняў.

Альфонс Ільіч Тышкевіч
Старшыня Мінскага аблвыканкама 1986 — 1994
Кіраўнік урада	Міхаіл Кавалёў Вячаслаў Кебіч
Папярэднік	Сяргей Лінг
Пераемнік	Пётр Пётух
Нараджэнне	5 ліпеня 1938(1938-07-05) (86 гадоў) в. Ліпкі Смалявіцкага раёна Мінскай вобласці
Смерць	24 кастрычніка 2021(2021-10-24) (83 гады)
Нацыянальнасць	беларус
Партыя	КПСС
Адукацыя	Беларускі інстытут механізацыі і сельскай гаспадаркі (1963) Вышэйшая партыйная школа пры ЦК КПСС
Узнагароды

Біяграфія

Нарадзіўся 5 ліпеня 1938 года^[1] ў вёсцы Ліпкі Смалявіцкага раёна.

Скончыў Мінскі тэхнікум лёгкай прамысловасці. Працоўную дзейнасць пачаў у 1958 годзе механікам на швачнай фабрыцы імя Крупскай. У гэтым жа годзе паступіў у Беларускі інстытут механізацыі сельскай гаспадаркі (цяперашні Беларускі дзяржаўны аграрны тэхнічны ўніверсітэт, скончыў яго ў 1963 годзе па спецыяльнасці інжынер-механік, завочна Вышэйшую партыйную школу пры ЦК КПСС.

З 1963 па 1967 гады працаваў інструктарам Мінскага сельскага абкама ЛКСМБ, 1-м сакратаром Вілейскага райкама ЛКСМБ, загадчыкам арганізацыйным аддзелам Мінскага абкама ЛКСМБ.

З 1967 па 1986 гады — інструктар, намеснік загадчыка сельскагаспадарчага аддзела Мінскага абкама КПБ, першы сакратар Стаўбцоўскага райкама КПБ, намеснік загадчыка аддзела сельскай гаспадаркі і харчовай прамысловасці ЦК КПБ. У 1975 абраны народным дэпутатам Вярхоўнага Савету БССР 9-га склікання^[2].

З 1986 па 1994 гады працаваў старшынёй выканкама Мінскага абласнога Савета народных дэпутатаў.

Член ЦК КПБ, народны дэпутат БССР і абласнога Савета народных дэпутатаў.

14 студзеня 1997 года быў абраны ў Савет Рэспублікі, ад 22 студзеня 1997 году — старшыня пастаяннай камісіі па рэгіянальнай палітыцы, член прэзідыума Савета^[3].

У студзені 1998 года А. І. Тышкевіч быў старшынёй Мінскага абласнога Савета дэпутатаў.

Зноскі

1. Тишкевич — Члены Совета Республики Архівавана 15 ліпеня 2015. Официальный сайт Совета Республики (руск.)
2. Тишкевич Альфонс // Кто есть кто в Беларуси. — Москва: Книжный дом «Университет», 1999. ISBN 5-8013-0068-6
3. Постановление Совета Республики Национального собрания Республики Беларусь от 22 января 1997 г. № 24-СР/I О Президиуме Совета Республики Национального собрания Республики Беларусь (руск.)

Спасылкі

• Профіль (руск.)
• Слюньков Николай Никитович (руск.). Псеўдалогія (5 красавіка 2009).