Алег Барысавіч Сонін

Алег Барысавіч Сонін (10 красавіка 1948, Берлін) — беларускі кампазітар .

Алег Барысавіч Сонін
Дата нараджэння	10 красавіка 1948(1948-04-10) (76 гадоў)
Месца нараджэння	Берлін, Савецкая зона акупацыі Германіі, Германія пад акупацыяй саюзнікаў[d], Германія
Краіна	СССР  Беларусь
Альма-матар	Беларуская дзяржаўная акадэмія музыкі
Месца працы	Лідскі дзяржаўны музычны каледж Мінскі дзяржаўны музычны каледж імя М. І. Глінкі
Музычная дзейнасць
Прафесіі	кампазітар, настаўнік

У Вікіпедыі ёсць артыкулы пра іншых людзей з прозвішчам Сонін.

Біяграфічныя звесткі

Скончыў Беларускую кансерваторыю (1974, клас М. Аладава і А. Багатырова). 3 1974 выкладаў у Лідскім музычным вучылішчы, у мінскіх музычных школах, з 1979 у Мінскім музычным вучылішчы імя М. Глінкі.

Заснавальнік (1990) і прэзідэнт (да 1995) Беларускай асацыяцыі сучаснай музыкі.

Творчасць

Прыхільнік сучаснага музычнага авангарда з шырокім вобразным дыяпазонам, экспрэсіўнасцю, трагедыйнай і лірыка-рамантычнай накіраванасцю. У творах выкарыстоўвае дадэкафонную і постдадэкафонную тэхніку пісьма, алеаторыку, санорыку, шматэлементную поліметрыю. Аўтар балета «Каханне Сапфо» (1998—2001), 4 сімфоній (1-я, 1974; 2-я «Zorca in memoriam», 1985; 3-я «Прысвячэнне Сапфо», 1987; 4-я «Музыка для Восіпа Мандэльштама» для фпартэпіяна, 1992), кантаты «Родная зямля» на вершы Я. Купалы і ўласныя (1975), 3 канцэртаў (1980—2001), камерна-інструментальных ансамбляў, вакальных цыклаў «Родны край» на вершы А. Бачылы, «Пад вечнымі соснамі» на вершы Р. Барадуліна (абодва 1978), «Месяцавыя песні» на вершы Ф. Гарсія-Лоркі (1989), твораў для фартэпіяна і інш.

Зноскі

Літаратура

• Юўчанка Н. А. Со́нін Алег Барысавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 86. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• Сонін Алег Барысавіч на сайце анлайн-энцыклапедыі «Беларусь у асобах і падзеях»