Акопы

Акопы — былы хутар у Мінскай губерні (цяпер — у Лагойскім раёне Мінскай вобласці), які знаходзіўся за 30 км на поўнач ад Мінска недалёка ад вёскі Харужынцы.

Хутар Акопы На месцы былога фальварка Акопы Краіна Беларусь Вобласць Мінская Раён Лагойскі Каардынаты 54°11′49″ пн. ш. 27°31′46″ у. д.HGЯO Акопы на карце Беларусі ±

Хутар Акопы быў сядзібай маці і сясцёр Янкі Купалы, якую з 1911 года і да другой паловы 1920-х гадоў часта наведваў славуты беларускі пясняр. Сядзіба стала месцам найбольш плённага творчага натхнення Янкі Купалы. У 1992 годзе ў суседняй вёсцы Харужынцы быў адчынены філіял Літаратурнага музея Янкі Купалы «Акопы».

Геаграфія

Прыгажосць і непаўторнасць Акопаў абумоўлены іх знаходжаннем на грэбені Беларускай грады (водападзел басейнаў Дняпра і Нёмана — Чорнага і Балтыйскага мораў). За 2—3 км на паўночны ўсход ад Акопаў месціцца вёска Харужынцы. На захад ад Акопаў — лясістыя пагоркі і забалочаныя даліны, над якімі ўзвышаецца Лысая гара^[1]. За гэтымі мясцінамі здаўна замацавалася назва «Беларуская Швейцарыя»^[2].

Зноскі

1. Энцыклапедычны даведнік «Янка Купала». Артыкул «Акопы». — Мн., БелСЭ, 1986. — С. 33—34.
2. Анатоль Кляшчук. Каб патрапіць у Акопы, рыхтуйце лыжы! (нявызн.). газета «Звязда» (9 красавіка 2020).