Адзёр

Адзёр — заражэнне дыхальных шляхоў адзёрным  (англ.) вірусам ад хворага чалавека пры размове, чханні і кашлі. Ускладненне хваробы выклікае паражэнне дыхальных шляхоў, органаў слыху і цэнтральнай нервовай сістэмы, гаймарыт, фарынгіт, ларынгіт, трахеіт, бранхіт, пнеўманію, серозны менінгіт, менінгаэнцэфаліт, энцэфалапатыю, полінеўрыт і падвостры склеразавальны панэнцэфаліт  (англ.), што ўяўляе смяротную пагрозу.

Адзёр
Вірус адру  (англ.) пад электронным мікраскопам
МКХ-10	B05.05.
МКБ-10-КМ	B05 і B05.9
МКХ-9	055055
МКБ-9-КМ	055[1][2]
DiseasesDB	7890
MedlinePlus	001569
eMedicine	derm/259
MeSH	D008457
Медыяфайлы на Вікісховішчы

Сып на скуры дзіцяці ад адру

Папярэджанне

Адзіным спосабам прадухілення заражэння ёсць вакцынаванне. Насельніцтва Беларусі атрымлівае 2 прышчэпкі ў 1 і 6 год^[3].

Праявы

Хвароба пачынаецца ўздымам тэмпературы да +39 °C. З'яўляецца рэзкі сухі кашаль, закладзенасць носа, пачырваненне і разрыхленне слізістай задняй сценкі глоткі. Праз 2 дні ўзмацняецца кашаль, развіваецца кан'юнктывіт і святлабоязь, на слізістай шчок з'яўляецца плямістая экзантэма. Першы сып з'яўляецца за вушамі, на пераноссі. Цягам сутак сып распаўсюджваецца на ўвесь твар, шыю, верхнюю частку грудзіны, на другія суткі — на тулава і рукі, на трэція — на ногі. Сып мае выгляд дробных плям і пухіркоў ружовага або чырвонага колеру, якія на працягу некалькіх гадзін павялічваюцца ў памерах і зліваюцца. Праз 3-4 дні сып пачынае цямнець і знікае праз 7-19 дзён, што суправаджаецца вотруб'епадобным лушчэннем скуры^[4].

Гл.таксама

• Супрацьадзёрная вакцына

Зноскі

1. Disease Ontology — 2016. Праверана 15 мая 2019.

   <a href='https://wikidata.org/wiki/Track:Q4117183'></a><a href='https://wikidata.org/wiki/Track:Q5282129'></a>
2. Monarch Disease Ontology release 2018-06-29 — 2018-06-29 — 2018. Праверана 28 ліпеня 2018.

   <a href='https://wikidata.org/wiki/Track:Q55345445'></a>
3. Імунізацыя насельніцтва Рэспублікі Беларусь (нявызн.). Беларускае тэлеграфнае агенцтва (26 сакавіка 2012). Праверана 11 чэрвеня 2013.
4. Вольга Бацкалевіч. Адзёр і яго прафілактыка (нявызн.). Раённая газета «Ляхавіцкі веснік» (19 кастрычніка 2011). Праверана 11 чэрвеня 2013.

Спасылкі

• На Вікісховішчы ёсць медыяфайлы па тэме Адзёр