Адам Герасімавіч Русак

У Вікіпедыі ёсць артыкулы пра іншых асоб з прозвішчам Русак.

Адам Герасімавіч Русак (24 мая 1904, в. Пясочнае каля Капыля — 21 сакавіка 1987) — беларускі паэт-песеннік. Заслужаны дзеяч культуры БССР (1964).

Адам Герасімавіч Русак
Асабістыя звесткі
Дата нараджэння	24 мая 1904(1904-05-24)
Месца нараджэння	Пясочнае, Ігуменскі павет, Мінская губерня, Расійская імперыя
Дата смерці	21 сакавіка 1987(1987-03-21) (82 гады)
Месца смерці	Мінск, БССР, СССР
Пахаванне	Пясочнае
Грамадзянства	Расійская імперыя  СССР
Альма-матар	Мінскі музычны тэхнікум (1930) Ленінградская дзяржаўная кансерваторыя (1934)
Месца працы	Міхайлаўскі тэатр Беларуская дзяржаўная філармонія
Прафесійная дзейнасць
Род дзейнасці	паэт, пісьменнік, дзіцячы пісьменнік
Мова твораў	беларуская
Грамадская дзейнасць
Член у	Саюз пісьменнікаў СССР Саюз беларускіх пісьменнікаў
Узнагароды

Біяграфія

Скончыў Беларускі музычны тэхнікум (1930) і Ленінградскую кансерваторыю (1934). Быў салістам аркестра Ленінградскага Малога опернага тэатра, Белдзяржфілармоніі.

У сярэдзіне 1950-х гадоў пераехаў з сям’ёй у Дом гарсавета^[1].

Член Саюза пісьменнікаў Беларусі з 1939 года^[2].

Памёр 21 сакавіка 1987 года ў Мінску. Пахаваны ў вёсцы Пясочнае Капыльскага раёна^[2].

Творчасць

Друкаваўся з 1927 года. У 1946 годзе выйшаў зборнік паэзіі «На родных палетках». Таксама аўтар зборнікаў вершаў «Песні і вершы» (1951), «Толькі з табою» (1960), «Звонкія крыніцы» (1965), «Выбранае» (1972), «Закрасуйся, Неман» (1978), «Песні на словы А. Русака» (1980), «Засцілайце сталы» (1984). Надрукаваў некалькі зборнікаў вершаў для дзяцей: «У Буслаўцы» (1967), «Добра ведаю урок» (1980), «Дружбакі» (1987).

На тэксты вершаў А. Русака напісана каля 300 песень. З іх найбольш вядомымі сталі песні: «Бывайце здаровы», «Лясная песня», «Толькі з табою», «Не шукай», «Не за вочы чорныя», «Як правёў мяне Цімох».

Сям’я

У шлюбе з Марый Яўгенаўнай Русак, якая была маладзейшай за яго на 19 гадоў. Марыя скончыла Ленінградскі педінстытут і ўслед за мужам пераехала з Ленінграда ў Мінск. Тут яна скончыла курсы кройкі і шыцця, днём выкладала ў школе рускую мову і літаратуру, а ўвечар шыла на заказ і для сям’і. Каб дапамагаць мужу, вывучыла беларускую мову, рабіла карэктуру рукапісаў, друкавала тэксты на трафейнай нямецкай машынцы. Падрыхтавала да выдання зборнік яго вершаў^[1].

У шлюбе з Марый меў двух дачок: Наталлю і Людмілу. Наталля жыве ў Маскве, працуе музычным рэдактарам на радыё^[1].

Зноскі

1. Дом горсовета: «Шесть утра, а сосед на рояле играет. И так каждый день» 27 июня 2018 Архівавана 6 жніўня 2019.
2. Раманаў — Станкевіч – Белліт  (бел.) (14 ліпеня 2023). Праверана 14 чэрвеня 2024.

Літаратура

• Гарэлік Л. М. Русак Адам Герасімавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 454. — 10 000 экз. — ISBN 985-11-0035-8. — ISBN 985-11-0216-4 (т. 13).
• Руса́к Адам Герасімавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 629. — 800 с. — 5 000 экз. — ISBN 985-11-0026-9.

Спасылкі

• 20 фактаў пра паэта, які ў год сьмерці Сталіна склаў паэму пра гібель чорта-тырана // сайт «Радыё Свабода» 24 траўня 2019
• Алена КЛІМОВІЧ «Ваш дружбак, Адам Русак» // СБ. Беларусь сегодня
• Адам Русак. 115 гадоў з дня нараджэння Архівавана 18 лютага 2023. // Мазырская цэнтральная раённая бібліятэка