Ісаак Фёдаравіч Ваксман

У Вікіпедыі ёсць артыкулы пра іншых людзей з прозвішчам Ваксман.

Ісаа́к Фё́даравіч Ва́ксман (25 ліпеня 1922, г. Краснаполле — 19 снежня 1943) — Герой Савецкага Саюза, камандзір артылерыйскай батарэі 1118-га стралковага палка (333-я стралковая дывізія, 6-я армія, 3-і Украінскі фронт), старшы лейтэнант^[1].

Ісаак Фёдаравіч Ваксман
Дата нараджэння	25 ліпеня 1922(1922-07-25)
Месца нараджэння	Краснаполле, Чэрыкаўскі павет, Гомельская губерня, РСФСР
Дата смерці	19 снежня 1943(1943-12-19) (21 год)
Месца смерці	Запарожская вобласць
Грамадзянства	Беларусь  СССР
Прыналежнасць	СССР
Гады службы	1941—1943
Званне	Старшы лейтэнант
Бітвы/войны	Вялікая Айчынная вайна
Узнагароды і званні	Медалі
Медыяфайлы на Вікісховішчы

Біяграфія

Нарадзіўся 25 ліпеня 1922 года ў вёсцы Краснаполле, цяпер пасёлак, райцэнтр Магілёўскай вобласці Беларусі, у сям’і служачага. Яўрэй.

Скончыў сярэднюю школу. У 1938—1940 гадах працаваў настаўнікам, адначасова вучыўся завочна ў Днепрапятроўскім транспартным інстытуце.

У 1941 годзе быў прызваны ў Чырвоную Армію. У 1942 годзе скончыў курсы малодшых лейтэнантаў. У баях Вялікай Айчыннай вайны з кастрычніка 1942 года^[1]. Член ВКП(б)/КПСС з 1943 года.

Удзельнік баёў пад Сталінградам, на Дон, Северскім Данцы, Дняпры^[1].

Камандзір батарэі 45-мм гармат старшы лейтэнант Ваксман вызначыўся ў баях пры фарсіраванні Дняпра восенню 1943 года. 26 лістапада 1943 года старшы лейтэнант Ваксман умела арганізаваў пераправу сваёй батарэі на правы бераг у раёне сяла Канеўскае  (руск.) (Запарожскі раён Запарожскай вобласці Украіны). У баях за плацдарм батарэя ўзаемадзейнічала са стралковымі падраздзяленнямі, пракладваючы шлях пяхоце. Пры адлюстраванні контратак праціўніка артылерысты знішчылі 15 кулямётаў, танк, дзве аўтамашыны, больш за сотню гітлераўскіх салдат і афіцэраў^[1].

Старшы лейтэнант Ваксман загінуў у баі 19 снежня 1943 года.

Пахаваны ў брацкай магіле ў сяле Разумоўка  (руск.) Запарожскага раёна Запарожскай вобласці.

Узнагароды

• Указам Прэзідыума Вярхоўнага Савета СССР ад 22 лютага 1944 года за ўзорнае выкананне баявых заданняў камандавання на фронце барацьбы з нямецка-фашысцкімі захопнікамі і праяўленыя пры гэтым мужнасць і гераізм старшаму лейтэнанту Ваксману Ісааку Фёдаравічу прысвоена званне Героя Савецкага саюза.
• Узнагароджаны ордэнамі Леніна, Айчыннай вайны 1-й і 2-й ступеняў, Чырвонай Зоркі і медалямі.

Памяць

• Імя Героя прысвоена Беразнякоўскай сярэдняй школе Краснапольскага раёна^[1] і вуліцы ў пасёлку Краснаполле^[1].
• На доме, дзе жыў І. Ф. Ваксман, усталявана мемарыяльная дошка^[1].

Зноскі

1. Ваксман Исаак Фёдорович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 99. — 737 с.

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3). — С. 464.

Спасылкі

• Ісаак Фёдаравіч Ваксман на сайце «Героі краіны»
• Ваксман Исаак Фёдорович (руск.)
• Ваксман Исаак Фёдорович — Герой Советского Союза(недаступная спасылка) (руск.)