Ігар Аляксандравіч Ляшчэня

І́гар Алякса́ндравіч Ляшчэ́ня (нар. 21 снежня 1967, Жодзіна) — беларускі дыпламат.

Ігар Ляшчэня
Надзвычайны і Паўнамоцны Пасол Рэспублікі Беларусь у Славацкай Рэспубліцы 13 чэрвеня 2016 — 21 жніўня[1] 2020
Прэзідэнт	Аляксандр Лукашэнка
Кіраўнік урада	Андрэй Кабякоў
Папярэднік	Уладзімір Серпікаў
Надзвычайны і Паўнамоцны Пасол Рэспублікі Беларусь у Дзяржаве Ізраіль 16 мая 2006 — 28 верасня 2012
Прэзідэнт	Аляксандр Лукашэнка
Кіраўнік урада	Сяргей Сідорскі
Папярэднік	Генадзь Лавіцкі
Пераемнік	Уладзімір Скварцоў
Надзвычайны і Паўнамоцны Пасол Рэспублікі Беларусь у Рэспубліцы Егіпет 3 чэрвеня 1998 — 21 студзеня 2002
Прэзідэнт	Аляксандр Лукашэнка
Пераемнік	Сяргей Міхневіч
Нараджэнне	21 снежня 1967(1967-12-21) (56 гадоў) Жодзіна, Мінская вобласць, БССР, СССР
Адукацыя	Маскоўскі дзяржаўны інстытут міжнародных адносін (1991)

Біяграфія

Пасля сканчэння ў 1991 годзе Маскоўскага дзяржаўнага інстытута міжнародных адносін, уладкаваўся на працу ў Міністэрства замежных спраў СССР, адкуль яго накіравалі на працу ў пасольства СССР у Егіпце.

З 1994 да 1997 года працаваў у Міністэрстве замежных спраў Рэспублікі Беларусь.

З 1997 года працаваў у пасольстве Рэспублікі Беларусь у Рэспубліцы Егіпет, 3 чэрвеня 1998 года быў прызначаны там паслом ^[2]. Адстаўлены 21 студзеня 2002 года ^[3], працаваў у адміністрацыі Прэзідэнта Рэспублікі Беларусь.

16 мая 2006 года прызначаны паслом у Дзяржаве Ізраіль ^[4]. 28 верасня 2012 года быў адстаўлены^[5].

Працаваў на розных пасадах у МЗС Беларусі.

13 чэрвеня 2016 года быў прызначаны Надзвычайным і Паўнамоцным Паслом Рэспублікі Беларусь у Славацкай Рэспубліцы^[6]. Падчас пратэстаў у Беларусі 16 жніўня 2020 года заявіў аб падтрымцы пратэстуючых і асудзіў прымяненне гвалту з боку праваахоўных органаў^[7]. Аднак так і не далучыўся да апазіцыйных структур. 18 жніўня ён падаў у адстаўку з пасады, якая была прынятая 24 жніўня^[8]. Вярнуўся ў Беларусь.

11 жніўня 2021 года Ігара Ляшчэню затрымалі па крымінальнай справе, якая была заведзена Следчым камітэтам Рэспублікі Беларусь па факце масавых беспарадкаў у Мінску^[9]. 16 жніўня праваабаронцы прызналі яго палітычным зняволеным^[10]. 20 жніўня Ляшчэню выпусцілі пад падпіску пра неразгалошванне хады следства^[11].

Крыніцы

1. Указ Прэзідэнта Рэспублікі Беларусь № 318 «Об И. А. Лещене» (руск.). Национальный правовой Интернет-портал Республики Беларусь (21 жніўня 2020).
2. Указ Президента Республики Беларусь от 3 июня 1998 г. № 290 «О назначении И. А. Лещени Чрезвычайным и Полномочным Послом Республики Беларусь в Арабской Республике Египет и присвоении ему дипломатического ранга Чрезвычайного и Полномочного Посланника второго класса»(недаступная спасылка) (руск.)
3. Указ Президента Республики Беларусь от 21 января 2002 г. № 45 «Об освобождении И. А. Лещени от должности Чрезвычайного и Полномочного Посла Республики Беларусь в Арабской Республике Египет»(недаступная спасылка) (руск.)
4. Указ Президента Республики Беларусь от 16 мая 2006 г. № 323 «О назначении И. А. Лещени Чрезвычайным и Полномочным Послом Республики Беларусь в Государстве Израиль» Архівавана 3 красавіка 2018. (руск.)
5. Указ Президента Республики Беларусь от 28 сентября 2012 г. № 441 «Об освобождении от должности И. А. Лещени» (руск.)
6. Аляксандр Лукашэнка разгледзеў кадравыя пытанні (нявызн.). Афіцыйны інтэрнэт-партал Прэзідэнта Рэспублікі Беларусь (13 чэрвеня 2016).
7. Першы з беларускіх дыпламатаў падтрымаў пратэсты (нявызн.). Белсат (16 жніўня 2020). Праверана 16 жніўня 2020.
8. Ігар Ляшчэня вызвалены ад пасады амбасадара Беларусі ў Славаччыне
9. Справа аб «масавых беспарадках». Стала вядома, за што затрымалі экс-амбасадара Ігара Ляшчэню (нявызн.). Новы Час (12 жніўня 2021).
10. Заява аб прызнанні Ігара Ляшчэні палітычным зняволеным (нявызн.). Праваабарончы цэнтр «Вясна» (16 жніўня 2021).
11. Былы амбасадар Беларусі ў Славакіі Ігар Ляшчэня выйшаў на волю (нявызн.). Новы Час (20 жніўня 2021).

Спасылкі

• Посольство Республики Беларусь в государстве Израиль (па стане на 20 красавіка 2009 года) Архівавана 1 студзеня 2008. (руск.)