Іван Юр'евіч Мсціслаўскі (пам. каля 1490) — удзельны князь мсціслаўскі (каля 1460—1490), намеснік мінскі і віцебскі, адзіны сын і пераемнік князя Юрыя Лугвенавіча Мсціслаўскага.
| Іван Юр'евіч Мсціслаўскі | |||||||
|---|---|---|---|---|---|---|---|
|
|||||||
| Папярэднік | Юрый Мсціслаўскі | ||||||
| Пераемнік | Ульяна Іванаўна Мсціслаўская | ||||||
| Нараджэнне | XV стагоддзе | ||||||
| Смерць | каля 1490 | ||||||
| Род | Гедзімінавічы і Мсціслаўскія[d][1] | ||||||
| Бацька | Юрый Лугвенавіч[2] | ||||||
| Дзеці | Анастасія Іванаўна Слуцкая[d] і Ульяна Іванаўна Мсціслаўская[d] | ||||||
Іван Юр'евіч Мсціслаўскі паходзіў з дынастыі Гедзімінавічаў, ён быў унукам Лугвена (Сямёна) Альгердавіча Мсціслаўскага і праўнукам вялікага князя літоўскага Альгерда (1345—1377). Іван Мсціслаўскі знаходзіўся ў сваяцтве з дынастыяй Ягелонаў, быў стрыечным пляменнікам вялікага князя літоўскага і караля польскага Казіміра Ягелончыка.
Каля 1460 года пасля смерці свайго бацькі Юрыя Лугвенавіча Іван атрымаў у валоданне ўдзельнае Мсціслаўскае княства на мяжы з Вялікім Княствам Маскоўскім.
Іван Юр'евіч Мсціслаўскі служыў вялікаму князю Літоўскаму Казіміру Ягелону, быў яго намеснікам у Мінску і Віцебску. Апроч Мсціслава яму належалі гарады Рослаўль, Радамль, Цяцерын, Княжыцы, Папова Гара і іншыя воласці.
У яго засталіся дзве дочкі (Ульяна і Анастасія). Старэйшая, Ульяна Іванаўна, была выдадзена замуж за князя Міхаіла Іванавіча Заслаўскага (пам. 1534), і прынясла яму ў якасці пасагу Мсціслаў, а малодшая, Анастасія Іванаўна, выйшла замуж за князя Сямёна Міхайлавіча Слуцкага (1481—1503).
У 1490—1495 гг. князь Іван Юр'евіч Мсціслаўскі сканаў, яго спадчыніцай стала старэйшая дачка Ульяна Іванаўна Мсціслаўская, якая ў 1499 годзе была выдадзена вялікім князем літоўскім Аляксандрам Казіміравічам за князя Міхаіла Іванавіча Заслаўскага, які, дзякуючы гэтаму шлюбу, атрымаў у валоданне Мсціслаўскае княства.
- Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 264–265.
- Kniaziowie litewsko-ruscy od końca czternastego wieku / пад рэд. J. Wolff — Warszawa: 1895. — С. 263–264.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
