Іаан Прадцеча

Іаан Прадцеча^[3], Іаан (Ян) Хрысціцель (ст.-слав. Іоаннъ Крестѧи; іўр.: יוחנן המטביל, Старажытнагрэч.: Ἰωάννης ὁ βαπτίζων; грэч. Ιωάννης ο Βαπτιστής) — паводле Бібліі, прапаведнік, які хрысціў Ісуса Хрыста.

Іаан Прадцеча
іўр.: יוחנן המטביל іўр.: יוחנן בן זכריה
Нараджэнне	каля 4 да н.э. Ein Karem[d], Herodian Kingdom of Judea[d][1]
Смерць	каля 32 Machaerus[d], Herodian Tetrarchy[d][1]
Месца пахавання	Nabi Yahya Mosque[d]
Бацька	Захарый[2]
Маці	Праведная Лізавета[2]
Веравызнанне	хрысціянства
Медыяфайлы на Вікісховішчы

Бацька Іаана Хрысціцеля — Захарый, іерусалімскі свяшчэннік, паводле біблейскага падання, належаў да свяшчэннічаскага іудзейскага роду і да самай старасці быў бяздзетным. Калі ж яму ў храме было відзенне анёла, які паведаміў яму чаканае нараджэнне сына, Захарый усумніўся, за што быў пакараны нематою і пазбаўлены ад яе толькі пасля нараджэння сына. Маці — Елізавета, паводле біблейскага падання, паходзіла з роду Аарона і даводзілася сваячкай багародзіцы.^[4]

Іаан Хрысціцель незадаволены станам грамадства, яшчэ ў маладосці пасяліўся ў пустыні, дзе вырас у прапаведніка-прарока. На пятнаццатым годзе валадарства рымскага імператара Тыберыя, калі кіраўніком Іудзеі быў Понцій Пілат, ён з’явіўся ля Іардана з пропаведдзю пакаяння і паведамленнем, што набліжаецца прыход царства нябеснага. Знешнім знакам пакаяння і духоўнага абнаўлення ён абраў хрышчэнне праз абмыванне ў вадзе. Прыняць яго павучэнне прыйшоў і сам Ісус Хрыстос з Назарэта, якога і хрысціў Іаан ў Іардане. Выкрываючы ў сваіх пропаведзях аблуды і заганы людзей, Іаан не шкадаваў і зямных уладароў. Ён выклікаў незадавальненне галілейскага цара Ірада, які, не церпячы выкрыцця за незаконную пазашлюбную сувязь з жонкай свайго брата Ірадыядай, пасадзіў прапаведніка ў турму. Там ён стаў ахвярай Ірадыяды, якая патрабавала, каб ёй прынеслі на талерцы адсечаную галаву Іаана Прадцечу. Хрысціянская царква прылічыла гэтага прапаведніка да ліку сваіх святых і для ўшанавання яго памяці адвяла ў святцах шэраг дзён.^[5]

Іаан у ісламе

У ісламе Іаан лічыцца прарокам. Паводле Карану, дзе Іаан названы імем Ях’я, Бог паслаў яму мудрасць яшчэ ў дзяцінстве (19:7-12). Каран апісвае Іаана як «чыстага», «набожнага», «уважлівага да сваіх бацькоў» і «не ганарыстага» (19:7-15). Каран таксама называе Іаана «прарокам праведных», які быў пасланы, каб «пацвердзіць слова ад Алаха» (3:39).

Іаан у мандэізме

Мандэісты лічаць Іаана, якога яны, як і мусульмане, называюць Ях’яй, найвялікшым і апошнім прарокам, а таксама месіяй.

Гл. таксама

• Ірад Філіп I

Зноскі

1. выгрузка даных Freebase — Google.

   <a href='https://wikidata.org/wiki/Track:Q95'></a><a href='https://wikidata.org/wiki/Track:Q648625'></a><a href='https://wikidata.org/wiki/Track:Q15241312'></a><a href='https://wikidata.org/wiki/Track:Q1453477'></a>
2. Лука Εὐαγγέλιον κατὰ Λουκάν — 0085.

   <a href='https://wikidata.org/wiki/Track:Q1845'></a><a href='https://wikidata.org/wiki/Track:Q24914965'></a><a href='https://wikidata.org/wiki/Track:Q39939'></a><a href='https://wikidata.org/wiki/Track:Q18813'></a><a href='https://wikidata.org/wiki/Track:Q6702529'></a><a href='https://wikidata.org/wiki/Track:Q128538'></a><a href='https://wikidata.org/wiki/Track:Q5852633'></a>
3. Прадцеча — папярэднік
4. Скарына Ф.: Творы… С. 176.
5. Скарына Ф.: Творы… С. 168—169.