From Wikipedia, the free encyclopedia
WHL0137-LS, таксама вядомая пад назвай Эарэндэл (стар.-англ.: Earendel) — зорка, выяўленая тэлескопам Хабл пры дапамозе гравітацыйнага лінзіравання скопішча галактык WHL0137-08. Па стане на канец сакавіка 2022 года з’яўляецца найбольш аддаленай ад Зямлі са ўсіх вядомых зорак. Яе чырвонае зрушэнне складае 6,2 ± 0,1. Святло ад зоркі было выпушчана праз 900 млн гадоў пасля Вялікага выбуху і ішло да Зямлі 12,9 млрд гадоў[1][2][3][4][5][6][7][8]. Паводле прадстаўнікоў НАСА, пацверджанне і спектральная класіфікацыя зоркі чакаецца пасля назіранняў з новага касмічнага тэлескопа «Джэймс Уэб»[1].
Зорка | |||
---|---|---|---|
Назіральныя даныя (Эпоха J2000.0) |
|||
Адлегласць | чырвонае зрушэнне (z) 6,2 ± 0,1 | ||
Фізічныя характарыстыкі | |||
Маса | 50—100 M☉ | ||
Тэмпература | >20000 K | ||
|
Зорка атрымала неафіцыйную назву Эарэндэл (стар.-англ.: Earendel, што ў перакладзе азначае — «Ранішняя зорка» або «Узыходзячае святло»[1][8]). Эарэндзіль — імя паўэльфа ў легендарыуме англійскага пісьменніка Дж. Р. Р. Толкіна. Паводле «Сільмарыліяна», дзе найбольш падрабязна апавядаецца гісторыя персанажа, Эарэндзіль на сваім караблі з чароўным Сільмарылем на борце адправіўся ў падарожжа па нябесных прасторах, стаўшы найярчэйшай зоркай Міжзем’я. Астраном НАСА Мішэль Талер пацвердзіў, што падабенства назвы зоркі і імені персанажа Толкіна з’яўляецца наўмысным[9]. Бацькоўская галактыка зоркі, WHL0137-zD1, атрымала назву «Арка ўсходу» (англ.: Sunrise Arc), бо з-за гравітацыйнага лінзіравання яе святло было скрыўлена ў форме доўгага паўмесяца[10].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.