Селядцападобныя

Селядцападобныя (Clupeiformes) — атрад касцістых рыб.

Селядцападобныя
Alosa fallax
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Атрад:  Селядцападобныя
Міжнародная навуковая назва
Clupeiformes Bleeker, 1959
Сямействы
Chirocentridae Селядцовыя (Clupeidae) Denticipitidae Анчоусавыя (Engraulidae) Pristigasteridae Sundasalangidae
Сістэматыка на Віківідах Выявы на Вікісховішчы ITIS   161694 NCBI   32446 EOL   3190 FW   35437

Апісанне

Даўжыня 5—75 см (дараб да 3,7 м), маса (акрамя дараба) ад некалькіх грамаў да 4 кг. Цела серабрыстае, сціснутае з бакоў, укрытае цыклоіднай луской. Спінны плаўнік адзін, брушныя плаўнікі маюць 6—8 прамянёў. Адкрытапузырныя, плавальны пузыр злучаецца каналам са страваводам і мае адросткі. Добра развіты сейсмасенсорныя каналы на жабравай накрыўцы. Жаберныя тычынкі служаць цадзільным апаратам.

Пашырэнне

Вядомыя з верхняюрскага, шматлікія з верхнемелавога перыяду. Падзяляюцца на 3 сямействы: селядцовыя, анчоусавыя, дарабавыя; каля 70 родаў, 300 відаў. Пашыраны ў трапічных, умераных і зрэдку ў халодных марскіх водах; некаторыя жывуць у прэсных водах або заходзяць у рэкі на нераст. Чародныя пелагічныя рыбы.

Асаблівасці біялогіі

Кормяцца планктонам (дараб — драпежнік).

Адкладваюць шматлікую ліпкую ікру на грунт або водарасці.

Промысел

Многія віды аб'екты промыслу.

Літаратура

• Селядцападобныя // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 315. — 10 000 экз. — ISBN 985-11-0035-8. — ISBN 985-11-0238-5 (т. 14).