Панторма

Панторма (сапраўднае імя Jacopo Carucci; 24 мая 1494, Панторма, цяпер прыгарад Эмполі — 2 студзеня 1557, г. Фларэнцыя) — італьянскі жывапісец, прадстаўнік фларэнційскай школы  (укр.), адзін з заснавальнікаў маньерызму.

Джакопа Панторма
італ.: Jacopo da Pontormo
Партрэт Джакопа Панторма працы Джорджа Вазары
Імя пры нараджэнні	Jacopo Carucci
Дата нараджэння	24 мая 1494(1494-05-24)
Месца нараджэння	Эмполі, правінцыя Фларэнцыя[d], Таскана, Італія
Дата смерці	2 студзеня 1557(1557-01-02) (62 гады)
Месца смерці	Фларэнцыя, Фларэнційскае герцагства[1]
Грамадзянства	Італія[2]
Бацька	Bartolommeo di Jacopo di Martino[d]
Род дзейнасці	мастак, рысавальнік
Жанр	партрэт
Мастацкі кірунак	маньерызм
Уплыў	Леанарда да Вінчы Андрэа дэль Сарта П'ера дзі Козіма  (руск.)
Уплыў на	Джавані Батыста Нальдзіні  (руск.)
Медыяфайлы на Вікісховішчы

Творчасць

Сустрэча Марыі і Елізаветы  (італ.). 1529. Царква Сан-Мікеле, Кармін’яна

У дзесяцігадовым узросце, страціўшы бацьку, Панторма адправіўся ў Фларэнцыю, дзе і правёў усё сваё жыццё. Ён вучыўся ў П'ера дзі Козіма  (руск.) і Андрэа дэль Сарта. У ранніх працах адбіваецца ўплыў Леанарда да Вінчы і Сарта (роспіс люнеты на віле Медычы ў Поджа-а-Каяна  (руск.)). Позні вялікі ўплыў на яго творчасць аказала знаёмства з гравюрамі Дзюрэра. Паступова Панторма адыходзіць ад традыцыі Рэнесансу. Значныя працы: «Хрыстос ва Эмаусе  (італ.)», 1525, Уфіцы, Фларэнцыя; «Мадонна са святым Іосіфам і Іаанам Хрысціцелем», Эрмітаж, Санкт-Пецярбург; «Сустрэча Марыі і Елізаветы  (італ.)», царква Сан-Мікеле  (італ.), Кармін’яна, 1528—1530.

«Зняцце з крыжа»

Адной з лепшых лічыцца «Зняцце з крыжа  (італ.)» (1528, Фларэнцыя, царква Санта-Фелічыта  (італ.)). У карціне адсутнічае выразнасць прасторавых адносін, фігуры набліжаны да пярэдняга плану. Адсутнасць цвёрдай апоры кампазіцыі стварае ўражанне няўстойлівасці, падкрэслівае драматызм і напружанасць аднаго з першых твораў маньерызму.

Галерэя

• 
  Святы Іеранім  (італ.). 1525-1530. Музей Зямлі  (англ.), Ніжняя Саксонія, Гановер
• 
  Зняцце з крыжа  (італ.). 1525-1528. Алтарная карціна  (руск.) ў капэле Капоні царквы Санта-Фелічыта ў Фларэнцыі

Зноскі

1. Union List of Artist Names — 2018. Праверана 25 кастрычніка 2018.

   <a href='https://wikidata.org/wiki/Track:Q110250907'></a><a href='https://wikidata.org/wiki/Track:Q2494649'></a>
2. https://www.kulturarv.dk/kid/VisKunstner.do?kunstnerId=3560 Праверана 12 лютага 2023.

Літаратура

С. Дзуффи. Большой атлас живописи. — М.: Олма-Пресс, 2002. — С. 116,117. — 431 с. — ISBN 5-224-03922-3.

Спасылкі

• На Вікісховішчы ёсць медыяфайлы па тэме Джакопа Панторма
• Спасылкі на працы Панторма ў музеях свету
• Панторма на Alorence Art Guide
• Панторма. Карціны і біяграфія