Юр’ева горка

Юр'ева горка — лесапарк у паўночна-заходняй частцы горада Віцебска.

Юр'ева горка
Асноўная інфармацыя
Тып	лесапарк
Размяшчэнне
55°11′25″ пн. ш. 30°09′57″ у. д.HGЯO
Краіна	Беларусь
Вобласць	Віцебская вобласць
Юр'ева горка
Юр'ева горка

Плошча 22 гектары. Абсалютная вышыня выгаецца ў дыяпазоне 175 метраў над узроўнем мора. Адносная вышыня - 15-20 м. Лясісты ўзгорак з вузкім і доўгім адгор'ем (Залатая горка), які працягнуўся ўздоўж вуліцы Карла Маркса. Растуць сасна, бяроза пушыстая, клён вастралісты, клён чырвоны, таполя канадская, бэз. З канца 1890-х гг. месца адпачынку працоўных ільнапрадзільнай фабрыкі «Дзвіны». На Юр'евай горцы бярэ пачатак Янавіцкі ручай, які ўпадае ў Заходнюю Дзвіну.

Назва

У сярэдзіне XIX стагоддзя града мела шэраг назваў асобных сваіх частак. У раёне Маркаўскай слабады, напрыклад, існавалі найменні — гара пад Іванам, Траецкая гара, Залатая горка. Яшчэ неўсталяванай была сённяшняя назва разглядаемага аб’екта, мясцовыя жыхары называлі яе і Сасоннікам, і Елагамі, і Юр’еўкай.

Вуліцы

Захаваліся гістарычныя тапонімы: Падгорная, Пасочная, Інжынерная вуліцы, Пясочны завулак. Большая частка была перайменавана ў савецкі час^[1].

Гістарычныя назвы

Сучасная назва	Гістарычная назва
1-я вуліца Бебеля	Нова-Манастырскі завулак
1-я вуліца Войкава	Ламаны завулак
1-я Прыгарадная вуліца	Прыказная вуліца
2-я вуліца Войкава	Папярэчна-Елагская вуліца
2-я Гарадоцкая вуліца	Варварынскі завулак
2-я Полацкая вуліца	Садовая вуліца
2-я Прыгарадная вуліца	Слабадская вуліца
3-я вуліца Бебеля	Паркавая вуліца
3-я вуліца Войкава	вуліца Сінякова
4-я вуліца Войкава	Емельянаўскі завулак
4-я Полацкая вуліца	Георгіеўская вуліца
5-я вуліца Свярдлова	4-ы Елагскі завулак
6-я вуліца Бебеля	2-я лінія
6-я вуліца Свярдлова	6-ы Елагскі завулак
6-я Гарадоцкая вуліца	Сярэбраная вуліца
6-я Полацкая вуліца	Палявая вуліца
7-я вуліца Бебеля	3-я лінія
7-я вуліца Свярдлова	6-ы Елагскі завулак
8-я вуліца Свярдлова	Сямёнаўская вуліца
8-я Полацкая вуліца	Лугавы завулак
9-я вуліца Свярдлова	Казарынаўскі завулак
9-я Полацкая вуліца	Нагорная вуліца
10-я вуліца Свярдлова	Жураўлёў завулак
11-я вуліца Свярдлова	Юр’еўская вуліца
13-я Гарадоцкая вуліца	Межавая вуліца
14-я Гарадоцкая вуліца	Лагерная вуліца
вуліца Арджанікідзэ	Кацярынінская вуліца
вуліца Бумагіна	2-гі Елагскі завулак
вуліца Еўдакіі Лось	1-я лінія
вуліца Карла Маркса	Нова-Манастырская вуліца
вуліца Князева	Залатая вуліца
вуліца Лявонава	3-ы Елагскі завулак
вуліца Някрасава	Вялікая Елагская вуліца
вуліца Цітова	Полацкая вуліца

Апісанне

Ля падножжа грады раёна былых Елагаў сёння размешчаны стадыён «Лакаматыў» і парк чыгуначнікаў (былы сад Елагі ў савецкі час насіў, акрамя адзначанага, найменні — «Сад камуны» і «Парк імя Л. Кагановіча»).

Сёння разглядаемая града, пачынаючы ад Дзвіны да мяжы Старасямёнаўскіх могілак, забудавана ў асноўным прыватным жыллём, якое асобнымі ўчасткамі існуе і на паўднёвых схілах Юр'евай Горкі, а таксама ў раёне Загаранскіх вуліц і па суседству з Залатой Гарой. 3 паўднёвага боку да сярэдняй часткі гары яшчэ даваеннай парой шчыльна прытуліўся навукова-даследчы ветэрынарны інстытут (зараз — завод ветэрынарных прэпаратаў). На крутых схілах вышэй завода захавалася былая лекавая крыніца. Вышэй пустуе невялікая пляцоўка пад векавымі соснамі, дзе паўстагоддзя таму ўзвышалася Юрава цэркаўка. Правей, па суседству з Старасямёнаўскімі могілкамі, значную плошчу Юр'евай Горкі займае «раслінны гадавальнік» трэста зялёнай гаспадаркі горада.

Зноскі

1. Карта Віцебска

Літаратура

• Витебск: Энциклопедический спавочник / Белорусская Советская Энциклопедия; Редколлегия: И. П. Шамякин (главный редактор) и другие. Мн.: БелСЭ, 1988. — 408 с. [12] л. ил.
•  Никифоровский Н. Я. Странички из недавней старины города Витебска: Воспоминания старожила (репринт издания 1899 года с комментариями А. М. Подлипского). — Мн.: Полымя, 1995. — 149 с.: ил. — (Лит. памятники Беларуси) — ISBN 985-07-0015-7
• Пасанен В. Э., Дикусар Е. А., Стёпин С. Г. Горные вершины Витебской области. — Минск: Право и экономика, 2016. — 162 с. — ISBN 978-985-552-569-2. С.120, 130.