Чэска-Ліпа

Чэска-Ліпа (чэшск.: Česká Lípa, ням.: Böhmisch Leipa) — горад у Чэхіі, у раёне Чэска-Ліпа Ліберэцкага края. У склад горада ўваходзяць 14 мікрараёнаў з насельніцтвам 38181 чалавек.

Чэска-Ліпа чэшск.: Česká Lípa Герб Сцяг Краіна  Чэхія[1] Каардынаты 50°41′08″ пн. ш. 14°32′16″ у. д.HGЯO Кіраўнік Ітка Вольфава[d] Першая згадка 1263[2][3] Плошча 66,096326 км²[4] Вышыня цэнтра 258 м Водныя аб’екты Шпорка[d] і Плоўчніцэ[d] Насельніцтва ▲37 483 чал. (1 студзеня 2024)[5] Паштовыя індэксы 470 01[6], 470 06[6], 471 11[6] і 471 21[6] Аўтамабільны код L Афіцыйны сайт mucl.cz Чэска-Ліпа на карце Чэхіі

Медыяфайлы на Вікісховішчы

Першая пісьмовая згадка паселішча адносіцца да 1263 года.

Гісторыя горада цесна звязана з вядомым чэшскім дваранскім родам Ронавічаў, прадстаўнікі якога (у прыватнасці Індржых з Ліпы) пабудавалі тут замак Ліпа, які стаў умацаваным пунктам на гандлёвых шляхах Паўночнай Багеміі. Яго будаўніцтва вялося паблізу ад старой славянскай вёскі з аднайменнай назвай, якая пазней была перайменавана ў Старую Ліпу, а яшчэ пазней увайшла ў склад горада. У 1319 годзе Індржых з Ліпы пакідае паселішча і з’яжджае ў Маравію, прадаўшы яго свайму сваяку — Гінку Бернэ з Дубы (паплечнік пражскага бургграфа). Замак застаўся ў руках дваран з Дубы на многія гады. Са знамянальных падзей можна адзначыць выданне найстарэйшай гарадской граматы, датаванай 23 сакавіка 1381 года, якая змяшчае ў сабе ўказ аб выдзяленні дадатковых паўнамоцтваў пасяленню вакол замка, наданню яму статусу горада і далейшага яго добраўпарадкавання.

У першай палове XIV стагоддзя былі пабудаваны ахоўныя валы і першы касцёл (знішчаны пры пажары 1341 года). Развіццё горада, як і ўсёй Багеміі, прыпыніла эпідэмія чумы 1380 года.

Зноскі

1. Aligned ISNI and Ringgold identifiers for institutions // zenodo — 2017. — doi:10.5281/ZENODO.758080

   <a href='https://wikidata.org/wiki/Track:Q22661177'></a><a href='https://wikidata.org/wiki/Track:Q64159407'></a>
2. Jakl L. Jak stará jsou česká města? Legendy a fakta. // iDNES.cz — 2011.

   <a href='https://wikidata.org/wiki/Track:Q31271037'></a><a href='https://wikidata.org/wiki/Track:Q12021344'></a><a href='https://wikidata.org/wiki/Track:Q12032511'></a>
3. Historický lexikon obcí České republiky 1869–2005: 1. díl / пад рэд. J. Růžková, J. Škrabal — ČSÚ, 2006. — 759 с. — ISBN 978-80-250-1310-6

   <a href='https://wikidata.org/wiki/Track:Q22696185'></a><a href='https://wikidata.org/wiki/Track:Q22696171'></a><a href='https://wikidata.org/wiki/Track:Q3504917'></a><a href='https://wikidata.org/wiki/Track:Q22696163'></a>
4. Czech Statistical Office Malý lexikon obcí České republiky – 2017 — Czech Statistical Office, 2017. Праверана 28 жніўня 2018.

   <a href='https://wikidata.org/wiki/Track:Q3504917'></a><a href='https://wikidata.org/wiki/Track:Q56284482'></a>
5. Český statistický úřad Počet obyvatel v obcích – k 1. 1. 2024 — Praha: ČSÚ, 2024. Праверана 19 мая 2024.

   <a href='https://wikidata.org/wiki/Track:Q1085'></a><a href='https://wikidata.org/wiki/Track:Q125984191'></a><a href='https://wikidata.org/wiki/Track:Q3504917'></a>
6. Register of territorial identification, addresses and real estates Праверана 28 лютага 2023.

   <a href='https://wikidata.org/wiki/Track:Q12049125'></a>