Чапала

Чапала (ісп.: Lago de Chapala) — найбуйнейшае ў Мексіцы прэснаводнае возера.

Чапала
Морфаметрыя
Вышыня над узроўнем мора	1 524 м
Даўжыня	80 км
Шырыня	18 км
Плошча	1 100 км²
Аб’ём	7 897 км³
Найбольшая глыбіня	10 м
Размяшчэнне
Краіна	Мексіка
Рэгіён	Халіска
Чапала
Медыяфайлы на Вікісховішчы

Геаграфія

Сфармавалася каля 12 мільёнаў гадоў таму праз тэктанічныя зрухі, якія суправаджаліся землетрасеннямі і праваламі глебы. Ёсць меркаванне, што, з улікам вялікага ўзросту возера, за часы свайго існавання яно зменшылася ў 7 разоў у параўнанні з першапачатковай плошчай.^[1]

Знаходзіцца за 45 км на паўднёвы ўсход ад Гвадалахары, размешчана на мяжы штатаў Халіска і Мічаакан, на вышыні 1524 м над узроўнем мора. Прыкладныя памеры — 80 км з захаду на ўсход і 18 км з поўначы на поўдзень, плошча каля 1100 км². Сярэдняя глыбіня 4,5 м, максімальная — 10,5 м.

Апісанне

Бераг возера

У возера ўпадаюць рэкі Лерма, Рыа-Дуэра, Рыа-Сула і Рыа-Гуарача. З возера выцякае рака Рыа-Грандэ-дэ-Сант’яга, якая ўпадае на паўночным захадзе ў Ціхі акіян. На возеры размяшчаюцца тры невялікіх вострава: Ісла-дэ-лос-Алакранэс, Ісла-Мезкла і Ла-Ісла-Менор.^[2]

Праз празмерную эксплуатацыю водных рэсурсаў возера і навакольных тэрыторый ёсць пагроза ўзроўню і якасці вады ў Чапала. Праз падзенне ўзроўню вады ў возеры ўтварыліся астравы з багавіння. Узровень вады ўпаў на 2-4 метры, аб’ём страчанай вады, як мінімум, дасягае 50 %^[3].

Возера ёсць месцам жыцця некалькіх відаў пералётных птушак, напрыклад ружовага пелікана, а таксама тысяч мясцовых раслін і жывёл.

Крыніцы

1. How Lake Chapala, Mexico’s largest lake, was formed | Geo-Mexico, the geography of Mexico (англ.)  (нявызн.) ?. geo-mexico.com (26 верасня 2016). Праверана 3 верасня 2023.
2. Lake Chapala - 1,100 km2 - Lago de Chapala - Laguna de Chapala - Map, Facts (нявызн.). www.lakepedia.com. Праверана 3 верасня 2023.
3. Shrinking Lake Chapala (англ.). www.earthobservatory.nasa.gov (14 верасня 2003). Праверана 3 верасня 2023.