Цяцерын

Цяце́рын^[1] (трансліт.: Ciacieryn, руск.: Тетерин) — аграгарадок у Круглянскім раёне Магілёўскай вобласці. Цэнтр Цяцерынскага сельсавета. Знаходзіцца на беразе Цяцерынскага вадасховішча.

Аграгарадок Цяцерын Цяцерынская ГЭС Краіна Беларусь Вобласць Магілёўская Раён Круглянскі Сельсавет Цяцерынскі Каардынаты 54°09′28″ пн. ш. 29°45′41″ у. д.HGЯO Першая згадка XIV ст. Насельніцтва 477 чал. (2010) Часавы пояс UTC+3 Тэлефонны код +375 2234 Паштовыя індэксы 213195 Аўтамабільны код 6 Цяцерын на карце Беларусі ±

Цяцерын на Вікісховішчы

Гісторыя

Упершыню згадваецца ў г. зв. «Спісе рускіх гарадоў далёкіх і блізкіх», складзеным у 1390-я гады. Паводле ўскосных звестак, у 1-й трэці 15 ст. пры вял. кн. Вітаўце, Цяцерын з воласцю належаў князю Сямёну-Лугвеню Альгердавічу. У пазнейшым дакуменце ад 1468 года згадваецца яго дар «даніна мядовая цяцерынская» Ануфрыеўскаму манастыру каля Мсціслава. У 1501 годзе вялікі князь Аляксандр Ягелончык між іншых уладанняў перадаў двор Цяцерын з сёламі на рацэ Друць сваёй жонцы Алене. У сярэдзіне 16 ст. ў Аршанскім павеце, мястэчка. У 1624 годзе ва ўласнасці ў Льва Сапегі^[2]. З 1772 года ў Расійскай імперыі. У 1848 годзе ў Магілёўскім павеце. У 1924—1931, 1935—1959 гадах і з 1966 года ў Круглянскім, у 1931—1935 і 1959—1966 — у Бялыніцкім раёнах.

Перад вайной у вёсцы 129 двароў, 632 жыхары^[3].

Падчас Вялікай Айчыннай вайны, у 1944 годзе акупанты спалілі 119 двароў, загубілі 188 чалавек^[3]. Паблізу вёскі 30.6.1944 года здзейсніў подзвіг Рыгор Іванавіч Шыбанаў, за што атрымаў званне Героя Савецкага Саюза.^[4]

Вядомыя асобы

• Павел Палікарпавіч Ганчароў — патафізіёлаг, прафесар медыцынскіх навук, генерал-палкоўнік медыцынскай службы, начальнік Ваенна-медыцынскай акадэміі імя С. М. Кірава  (руск.) (1953—1968)
• Браніслаў Віктаравіч Мешкіс (1928—1985, Адэса) — тэатральны рэжысёр. Народны артыст Украіны^[5]

Зноскі

1. Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU). Сустракаецца таксама варыянт Цяце́рына, н.
2. Аддзел рукапісаў Бібліятэкі Віленскага ўніверсітэта, ф. 4, спр. 34354.
3. Тетерино (руск.)
4. Шибанов Григорий Иванович (руск.)
5. https://esu.com.ua/article-66771

Літаратура

• Беларуская энцыклапедыя. Т. 17. — Мн., 2003.
• Тэрыторыя Белыніцкага раёна ў часы Вялікага княства Літоўскага // Памяць: Гіст.-дакум. хроніка Бялыніцкага р-на. — Мн., 2000. С. 41-59.

Спасылкі

• На Вікісховішчы ёсць медыяфайлы па тэме Цяцерын