Тэрэспаль

Тэрэ́спаль^[1] (польск.: Terespol) — горад у Польшчы, уваходзіць у склад Бяльскага павета Люблінскага ваяводства, дзе ўтварае гарадскую гміну. Знаходзіцца ля мяжы з Беларуссю на рацэ Заходні Буг (з іншага боку ракі знаходзіцца беларускі горад Брэст).

Горад Тэрэспаль польск.: Terespol Герб Краіна  Польшча Ваяводства Люблінскае Павет Бяльскі Каардынаты 52°05′00″ пн. ш. 23°34′00″ у. д.HGЯO Бурмістр Jacek Danieluk Плошча 10,2 км² Вышыня цэнтра 140 м Водныя аб’екты Буг Насельніцтва 5 707 чалавек (2016) Часавы пояс UTC+1, летам UTC+2 Тэлефонны код +48 83 Паштовы індэкс 21-550 Аўтамабільны код LBI TERC 0601021 Афіцыйны сайт terespol-m.netbip.pl (польск.) Тэрэспаль на карце Польшчы ±

Медыяфайлы на Вікісховішчы

Гісторыя

З другой паловы XIII стагоддзя на месцы горада было сельскае паселішча Блоткаў (польск.: Błotków). Гісторыя паселішча звязана з імёнамі родаў Флемінгаў, Слушкаў і Чартарыскіх. Кашталян віленскі і польны гетман літоўскі Юзаф Багуслаў Слушка ў 1697 годзе заснаваў на гэтым жа месцы горад і назваў яго «Тэрэспаль» у гонар сваёй жонкі Тэрэзы. У XVIII стагоддзі Тэрэспаль быў адным з найбуйнейшых уладанняў Чартарыскіх.

З 1975 па 1998 гады Тэрэспаль уваходзіў у склад Бяльскага ваяводства. Да 2013 года Тэрэспаль быў цэнтрам вясковай гміны Тэрэспаль, хоць і не ўваходзіў у яе склад.

Вядомыя асобы

• Міхал Ігнатавіч Балінскі (1794—1863) — гісторык, краязнавец, публіцыст, рэдактар.
• Алёкса Жукоўскі (1906—1979) — беларускі паэт, празаік, педагог.

Зноскі

1. Напісанне ў адпаведнасці з ТКП 236-2010 (03150) «Спосабы і правілы перадачы геаграфічных назваў і тэрмінаў Рэспублікі Польшча на беларускую мову». Гл. польска-беларускую практычную транскрыпцыю.

Спасылкі

• На Вікісховішчы ёсць медыяфайлы па тэме Тэрэспаль