Тэкставы фармат
From Wikipedia, the free encyclopedia
Тэкставыя даныя (таксама тэкставы фармат) — прадстаўленне інфармацыі ў вылічальнай сістэме ў выглядзе паслядоўнасці друкаваных сімвалаў. У MIME закадзіраваным такім чынам даным адпавядае тып text/plain
.
Часта тэкставыя даныя разумеюць у больш вузкім сэнсе — як тэкст на якіх-небудзь мовах (фармальных ці натуральных), які можна прачытаць і зразумець чалавеку.
Тэкставаму фармату проціпастаўляюцца «двайковыя даныя», інфармацыя ў якіх закадзіравана адвольным чынам, без разліку на ўспрыманне чалавекам.
Для большай часткі камп'ютарнага абсталявання і праграм няважна, ці з'яўляюцца даныя тэкставымі. Аднак многія сеціўныя пратаколы разлічаны на работу толькі з тэкставымі данымі і не могуць апрацоўваць адвольную паслядоўнасць байтаў. Таксама некаторыя праграмы апрацоўваюць тэкставыя і двайковыя даныя па-рознаму, а некаторыя прызначаны для апрацоўкі менавіта тэкставых даных. Праграмы для стварэння і рэдагавання тэкставых даных называюцца тэкставымі рэдактарамі.