![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2c/Flag_of_Bahrain.svg/langbe-640px-Flag_of_Bahrain.svg.png&w=640&q=50)
Сцяг Бахрэйна
From Wikipedia, the free encyclopedia
Сцяг Бахрэйна — афіцыйны сімвал дзяржавы Бахрэйн. Цяпер дзеючы сцяг зацверджаны 17 лютага 2002 года.
Сцяг уяўляе сабой палатно чырвонага колеру з белай вертыкальнай паласой ля дрэўка, з правага боку абмежаванай зігзагам. Прапорцыя 3:5.
Першапачаткова сцяг Бахрэйна быў чырвоны, як напамін пра колеры мусульманскай секты Харыджытаў. У 1820 годзе, калі было дасягнута пагадненне з Вялікабрытаніяй, на сцягу з'явілася белая вертыкальная паласа каля дрэўка, якая сімвалізуе перамір'е. У 1933 годзе, для таго, каб сцяг можна было адрозніць ад падобных на яго сцягоў рэгіёна, уводзіцца белая паласа, абмежаваная зігзагам. На сушы выкарыстоўваецца як дзяржаўны, грамадзянскі і ваенны сцяг, на моры — як грамадзянскі і ваенны сцяг.
З 2002 года сцяг стаў адлюстроўвацца з пяццю белымі трохвугольнікамі, якія сімвалізуюць пяць слупоў ісламу.