![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9e/Pamir_topographic_map-fr.svg/langbe-640px-Pamir_topographic_map-fr.svg.png&w=640&q=50)
Сарыкольскі хрыбет
From Wikipedia, the free encyclopedia
Сарыкольскі хрыбет (тадж.: Раште Кух Сарикол) — горны хрыбет ва Усходнім Паміры, цягнецца ўздоўж мяжы Таджыкістана і Кітая. Цягнецца ад даліны ракі Маркансу да адгор’яў Гіндукуша, агінаючы з поўначы катлавіну з азёрамі Шаркуль і Рангкуль. Служыць водападзелам басейнаў ракі Тарым, возера Каракуль і Амудар’і.
Хуткія факты Сарыкольскі хрыбет, Краіны ...
Сарыкольскі хрыбет | |
---|---|
тадж. Раште Кух Сарикол | |
![]() | |
Краіны | |
Горная сістэма | Памір |
Даўжыня | 350 км |
Шырыня | 35 км |
Вышыня | 6351 м |
![]() |
Закрыць
Вышыня хрыбта вагаецца ад 4500 да 5800 м, найвышэйшы пункт — гара Лявірдыр (6351 м). Працягласць — каля 350 км. Складзены галоўным чынам крышталічнымі сланцамі і гранітоідамі. У ніжняй частцы схілаў — разрэджаная расліннасць халоднай высакагорнай пустыні. Вышэй 5000 м — даліны і схілавыя ледавікі. На тэрыторыі Таджыкістана размешчана 240 ледавікоў агульнай плошчай 144 км².