Сагдыйская вобласць

Сагдыйская вобласць — адміністрацыйная вобласць у складзе Рэспублікі Таджыкістан, утворана 27 кастрычніка 1939 года як Ленінабадская вобласць і скасавана ў 1962 годзе. У 1970 годзе адноўлена, 10 лістапада 2000 года перайменавана ў Сагдыйскую вобласць.

Сагдыйская вобласць
тадж.: Вилояти Суғд
Краіна	Таджыкістан
Уваходзіць у	Таджыкістан (1991—?)
Адміністрацыйны цэнтр	Худжанд
Дата ўтварэння	27 кастрычніка 1939
Насельніцтва	2 823 900 чал. (1 студзеня 2022)[1]
Плошча	25 400 км²
Часавы пояс	UTC+5
Код ISO 3166-2	TJ-SU
Тэлефонны код	3422
Паштовыя індэксы	735700
Код аўтам. нумароў	02РТ
Медыяфайлы на Вікісховішчы

Размешчана на поўначы Таджыкістана, у гарах Цянь-Шаня і Гісара-Алая, паўночная частка займае паўднёвы захад Ферганскай даліны.

Геаграфія

Займае тэрыторыю ў 25 400 км². Тэрыторыя пераважна горная. З поўначы размешчаны Курамінскі хрыбет і горы Магалтаў, з поўдня — Туркестанскі хрыбет і Зераўшанскія горы. Мяжуе з Узбекістанам і Кыргызстанам.

Да вобласці адносяцца эксклавы Варух і Заходняя Калача, размешчаныя на тэрыторыі Баткенскага і Лейлекскага раёнаў Баткенскай вобласці Кыргызстана; а таксама анклаў Сарвак, размешчаны на тэрыторыі Папскага раёна Наманганскай вобласці Узбекістана.

Галоўныя рэкі — Сырдар’я і Зераўшан. Найбуйнейшае возера — Іскандэркуль. Вадасховішчы — Кайракумскае, Фархадскае, Катасайскае і Даганасайскае.

Клімат — кантынентальны, сухі і залежыць ад змены вышыні над узроўнем мора. Сярэдняя тэмпература студзеня ў даліне −10 °C, у ліпені +28—29 °C. Гадавыя ападкі 150—300 мм. У гарах халаднавата. Сярэдняя тэмпература: студзеня −40 ° C, у ліпені +26 °C. Ападкі ў гарах (да 1000 м) 400 мм; сярэдняя тэмпература: студзеня (на вышыні 2500-3000 м) −9 °C і ў ліпені +15 °C, гадавыя ападкі да 800 мм.

Зноскі

1. https://web.archive.org/web/20221010195817/https://stat.tj/storage//1.01.2022.pdf