Паскуале Сервера-і-Тапетэ

Паскуале Сервера-і-Тапетэ (ісп.: Pascual Cervera y Topete; 18 лютага 1839, Медзіна-Сідонія—3 красавіка 1909, Пуэрта-Рэаль) — іспанскі адмірал і флатаводзец.

Паскуале Сервера-і-Тапетэ
ісп.: Pascual Cervera y Topete
Партрэт іспанскага адмірала Паскуале Сервера-і-Тапетэ (1839—1909).
Нараджэнне	18 лютага 1839(1839-02-18)[1] Медына-Сідонія[d], правінцыя Кадыс, Андалусія, Іспанія
Смерць	3 красавіка 1909(1909-04-03)[1] (70 гадоў) Пуэрта-Рэаль[d], правінцыя Кадыс, Андалусія, Іспанія
Месца пахавання	Panteón de Marinos Ilustres[d]
Імя пры нараджэнні	ісп.: Pascual Cervera y Topete
Веравызнанне	каталіцызм
Гады службы	1868—1898
Прыналежнасць	Іспанія
Род войскаў	ваенна-марскія сілы
Званне	almirante[d]
Бітвы	Іспана-амерыканская вайна
Узнагароды
Медыяфайлы на Вікісховішчы

Біяграфія

Паскуале Сервера-і-Тапетэ нарадзіўся ў 1839 годзе ў Медзіна-Сідона.

Сваю ваенную кар’еру пачаў на флоце. Прымаў удзел у марскіх аперацыях у Марока, на Філіпінах і на Кубе.

У 1873 вярнуўся ў Іспанію. Тут Сервера паступіў на службу да карлістаў. Праявіў сябе ў абароне Каракскага арсенала каля Кадзіса супраць федэральных войскаў.

У 1898 годзе, падчас вайны са Злучанымі Штатамі, быў прызначаны галоўнакамандуючым іспанскай эскадрай, адпраўленай на пачатку мая да Вест-Індскіх астравоў. Крытычна ацэньваў якасці даручанага яму флоту, што відаць з лістоў Серверы, апублікаваных пасля заканчэння вайны. У красавіку—мае здзейсніў пераход праз Атлантычны акіян, але з-за недахопу вугалю не змог дайсці да ўмацаванай Гаваны і схаваўся ў Сант’яга-дэ-Куба, дзе быў акружаны амерыканцамі.

Пасля штурму Сант’яга-дэ-Куба трапіў у палон. У жніўні ён быў адпушчаны ў сувязі са сканчэннем вайны.

Сервера пасля вайны вярнуўся на радзіму. У 1901 годзе ён стаў віцэ-адміралам, ў 1902 годзе — камандуючым іспанскім флотам, у 1903 годзе — пажыццёвым сенатарам.

Памёр Паскуале Сервера-і-Тапетэ ў 1909 годзе.

Зноскі

1. Pascual Cervera Topete // Diccionario biográfico español — Real Academia de la Historia, 2011. Праверана 9 кастрычніка 2017.

   <a href='https://wikidata.org/wiki/Track:Q41705771'></a><a href='https://wikidata.org/wiki/Track:Q2720582'></a>

Літаратура

• Encyclopaedia Britannica. Chicago-London-Toronto, 1945. Vol.5. p. 164—165.

Спасылкі

• Біяграфія(недаступная спасылка)