![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cf/Palazzo_Strozzi_1.jpg/640px-Palazzo_Strozzi_1.jpg&w=640&q=50)
Палацца
From Wikipedia, the free encyclopedia
Пала́цца[1] (італ.: palazzo ад лац.: palatium — палац) — італьянскі гарадскі палац-асабняк XV—XVIII стст. Назва паходзіць ад Палацінскага ўзгорка, дзе старажытнарымскія імператары ўзводзілі свае палацы. Палацца ўяўляе сабою тып гарадскога палаца-асабняка, характэрны для італьянскага Адраджэння, склаўся ў XV ст. пераважна ў Фларэнцыі. З'яўляецца адным з першых тыпаў будынка ўніверсальнага прызначэння.
![Thumb image](http://upload.wikimedia.org/wikipedia/commons/thumb/c/cf/Palazzo_Strozzi_1.jpg/640px-Palazzo_Strozzi_1.jpg)
![Thumb image](http://upload.wikimedia.org/wikipedia/commons/thumb/c/c2/Firenze_Palazzo_della_Signoria%2C_better_known_as_the_Palazzo_Vecchio.jpg/640px-Firenze_Palazzo_della_Signoria%2C_better_known_as_the_Palazzo_Vecchio.jpg)
Класічны тып палацца — трохпавярховы (радзей дзвюх- ці чатырохпавярховы) будынак з велічным фасадам, які выходзіў на вуліцу, і ўтульным дваром. Кампазіцыйны цэнтр будынка быў унутраны дом, абнесены аркавымі галерэямі. Першы паверх адводзіўся пад службовыя памяшканні, на другім размяшчаліся парадныя пакоі і залы, на трэцім — жылыя пакоі. Палацца Рыма, Генуі, Венецыі і іншых італьянскіх гарадоў мелі свае ўласныя архітэктурныя рысы. Асабліва славіліся палацца Фларэнцыі.